ತಾಯೆ ಬಾರ ಮೊಗವ ತೋರ ಕನ್ನಡಿಗರ ಮಾತೆಯೆ…’
ಈ ಪದ್ಯವನ್ನು ಯಾರು ತಾನೆ ಕೇಳಿಲ್ಲ ಈ ಗೀತೆ ಬರೆದ ಕವಿಯೇ ಮಂಗಳೂರು ಗೋವಿಂದ ಪೈ.ಕರ್ನಾಟಕದ ಪ್ರಪ್ರಥಮ ರಾಷ್ಟ್ರಕವಿಗಳಾಗಿ ಪ್ರಸಿದ್ದರಾಗಿದ್ದಾರೆ.ಇದನ್ನು ಓದಿ : ಮಹಾನ್ ವ್ಯಕ್ತಿತ್ವದ ಡಿವಿಜಿ ಗೆ ನಮನಗಳುಗೋವಿಂದ ಪೈ ಅವರ ಕವನ ಸಂಕಲನಗಳು:ಖಂಡಕಾವ್ಯಗಳುನಾಟಕಗಳುಪ್ರಬಂಧ ಸಂಕಲನಗದ್ಯಾನುವಾದಇದನ್ನು ಓದಿ : ಮೇಲುಕೋಟೆಯ (Melukote) ಮುಕುಟಕ್ಕೆ ಸಾಹಿತಿ ಪುತಿನ ಮೇರು ಕಿರೀಟಇತರೆ ಕೃತಿಗಳು
ಈ ಪದ್ಯವನ್ನು ಯಾರು ತಾನೆ ಕೇಳಿಲ್ಲ ಈ ಗೀತೆ ಬರೆದ ಕವಿಯೇ ಮಂಗಳೂರು ಗೋವಿಂದ ಪೈ.ಕರ್ನಾಟಕದ ಪ್ರಪ್ರಥಮ ರಾಷ್ಟ್ರಕವಿಗಳಾಗಿ ಪ್ರಸಿದ್ದರಾಗಿದ್ದಾರೆ.
ಕೇರಳದ ಮಂಜೇಶ್ವರಕ್ಕೆ ಭಾರತದ ಸಾಂಸ್ಕೃತಿಕ ಭೂಪಟದಲ್ಲಿ ಸ್ಥಾನ ಒದಗಿಸಿಕೊಟ್ಟವರು ಗೋವಿಂದ ಪೈ. ರಾಜ್ಯ ಪುನರ್‌ ವಿಂಗಡಣೆಯಾದಾಗ ಕಾಸರಗೋಡು ಕೇರಳದ ಪಾಲಾಯಿತು. ತೀವ್ರ ಹಳಹಳಿಸಿದ ಪೈಗಳು ತಮ್ಮ ಹೆಸರಿನೊಂದಿಗೆ ಸದಾ ಮಂಜೇಶ್ವರ ಎಂದು ‘ಎಂ’ ಸೇರಿಸಿಕೊಂಡರು.
ರಾಷ್ಟ್ರಕವಿ ಎಂ. ಗೋವಿಂದ ಪೈ ಅವರು 1883 ರ ಮಾರ್ಚ್ 23 ರಂದು ಮಂಜೇಶ್ವರದಲ್ಲಿ ಜನಿಸಿದರು, ತಂದೆ ಮಂಗಳೂರಿನ ಸಾವುಕಾರ ತಿಮ್ಮಪ್ಪ ಹಾಗೂ ತಾಯಿ ದೇವಕಿಯಮ್ಮ.
ಕನ್ನಡದ ಪ್ರಥಮ ರಾಷ್ಟ್ರಕವಿ ಎಂಬ ಪ್ರಶಸ್ತಿಗೆ ಪಾತ್ರರಾದವರು ಎಂ. ಗೋವಿಂದ ಪೈ. ಮಂಗಳೂರಿನಲ್ಲಿ ಶಾಲಾ ವಿದ್ಯಾಭ್ಯಾಸ ಮಾಡಿ ಮದ್ರಾಸ್‌ ವಿಶ್ವವಿದ್ಯಾಲಯದಲ್ಲಿ ಬಿ.ಎ. ವ್ಯಾಸಂಗವನ್ನು ಮಾಡುತ್ತಿದ್ದರು. ಸ್ವಂತ ವ್ಯಾಸಂಗದಲ್ಲೇ ಕನ್ನಡ, ಇಂಗ್ಲಿಷ್, ಗ್ರೀಕ್, ಫ್ರೆಂಚ್, ಸಂಸ್ಕೃತ, ಜರ್ಮನ್, ಪ್ರಾಕೃತ ಮೊದಲಾದ ದೇಶ – ವಿದೇಶಗಳ ಭಾಷೆಗಳನ್ನು ಕಲಿತರು.
ಸಂಶೋಧನೆಯಲ್ಲಿ ತೊಡಗಿದ ಗೋವಿಂದ ಪೈ ಅವರು ಹಳಗನ್ನಡ ವಿದ್ವಾಂಸರೂ ಕವಿಗಳೂ ಆಗಿದ್ದರು. ಗೋವಿಂದ ಪೈ ಅವರು ಇಂಗ್ಲಿಷ್, ಲ್ಯಾಟಿನ್, ಫ್ರೆಂಚ್, ಬಂಗಾಲಿ, ಸಂಸ್ಕೃತ, ಪಾಳಿ, ಮರಾಠಿ, ಜರ್ಮನ್ ಸೇರಿದಂತೆ ಒಟ್ಟು 25 ಭಾಷೆ ಕಲಿತಿದ್ದರು. ಮೈಸೂರು ವಿ.ವಿ. ಇವರಿಗೆ ನೀಡಬೇಕೆಂದಿರುವ ಗೌರವ ಡಾಕ್ಟರೇಟ್ ನ್ನು ಅವರು ನಯವಾಗಿ ತಿರಸ್ಕರಿಸಿದರು.
ಇದನ್ನು ಓದಿ : ಮಹಾನ್ ವ್ಯಕ್ತಿತ್ವದ ಡಿವಿಜಿ ಗೆ ನಮನಗಳು
ಗೋವಿಂದ ಪೈ ಅವರಿಗೆ ಸಾಹಿತ್ಯ ಪರಿಷತ್ತು 1951 ರಲ್ಲಿ ಬೊಂಬಾಯಿಯಲ್ಲಿ ನಡೆದ 34 ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷ ಪದವಿ ನೀಡಿ ಪುರಸ್ಕರಿಸಿತು. ಪೈಗಳ ಅಗಾಧ ಪಾಂಡಿತ್ಯವನ್ನು ಪರಿಗಣಿಸಿ ಮದರಾಸ್ ಸರ್ಕಾರ ಅವರಿಗೆ ‘ರಾಷ್ಟ್ರಕವಿ’ ಪ್ರಶಸ್ತಿ ನೀಡಿತು. ಪೈಯವರನ್ನು 1949 ರಲ್ಲಿ ಧರ್ಮಸ್ಥಳದ ಜಿನರಾಜ ಹೆಗ್ಗಡೆಯವರು ಧರ್ಮಸ್ಥಳದಲ್ಲಿ ಸನ್ಮಾಸಿದರು.
ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈ ಅವರು ರಚಿಸಿದ, ‘ಕುಲವಧು’ ಚಿತ್ರಕ್ಕಾಗಿ ಬಳಸಿಕೊಳ್ಳಲಾದ, ಜಿಕೆ ವೆಂಕಟೇಶ್ ಸಂಗೀತ ನಿರ್ದೇಶನದಲ್ಲಿ ಕನ್ನಡದ ಕೋಗಿಲೆ ಎಸ್ ಜಾನಕಿ ಹಾಡಿರುವ ‘ತಾಯೆ ಬಾರ ಮೊಗವ ತೋರ ಕನ್ನಡಿಗರ ಮಾತೆಯೆ’ ಹಾಡು. ಕನ್ನಡ ಭಾಷೆ ಜೀವಂತವಿರುವ ತನಕ ಈ ಹಾಡು ಕನ್ನಡಿಗರ ಮನದಲ್ಲಿ ಮಾರ್ದನಿಸುತ್ತಲೇ ಇರುತ್ತದೆ.
ಗೋವಿಂದ ಪೈ ಅವರು ಮಂಜೇಶ್ವರದಲ್ಲಿ 6-9-1963 ರಲ್ಲಿ ನಿಧನರಾದರು. ಗೋವಿಂದ ಪೈ ಅವರ ಕೈ ಬರಹದಲ್ಲಿ ಕವಿತೆ ತಾಯೆ ಬಾರ ಮೊಗವ ತೋರ.
ಗೋವಿಂದ ಪೈ ಅವರ ಕವನ ಸಂಕಲನಗಳು:
- ಗಿಳಿವಿಂಡು
- ನಂದದೀಪ
- ಹೃದಯ ರಂಗ
- ವಿಟಂಕ
- ಇಂಗಡಲು (ಆಯ್ದ ಕವನಗಳು)
ಖಂಡಕಾವ್ಯಗಳು
- ಗೊಲ್ಗೊಥಾ
- ವೈಶಾಖಿ
ನಾಟಕಗಳು
- ಹೆಬ್ಬೆರಳು
- ಚಿತ್ರಭಾನು ಅಥವಾ ೧೯೪೨
- ತಾಯಿ
- ಜಪಾನಿನ ‘ನೋ’ ನಾಟಕಗಳು
ಪ್ರಬಂಧ ಸಂಕಲನ
- ಕನ್ನಡದ ಮೊರೆ (ಆತ್ಮಕಥನಗಳು, ಭಾಷಣಗಳು ಮತ್ತು ಲೇಖನಗಳು)
ಗದ್ಯಾನುವಾದ
- ಶ್ರೀಕೃಷ್ಣಚರಿತ್ರ (ಬಂಗಾಳಿಯ ನವೀನಚಂದ್ರ ಸೇನರ ಕೃತಿ )
ಇದನ್ನು ಓದಿ : ಮೇಲುಕೋಟೆಯ (Melukote) ಮುಕುಟಕ್ಕೆ ಸಾಹಿತಿ ಪುತಿನ ಮೇರು ಕಿರೀಟ
ಇತರೆ ಕೃತಿಗಳು
- ಮೂರು ಉಪನ್ಯಾಸಗಳು
- ಗೋವಿಂದ ಪೈ ಅವರ ಕೆಲವು ಪತ್ರಗಳು
- ಗೀತಾಂಜಲಿ
- ಮೂವರು ಯುವಕರು ರೈಲಿಗೆ ಸಿಲುಕಿ ದುರ್ಮರಣ
- ಕೊಳ್ಳೇಗಾಲ ಶಾಸಕ ಎ.ಆರ್.ಕೃಷ್ಣಮೂರ್ತಿ ಪ್ರಯಾಣಿಸುತ್ತಿದ್ದ ಕಾರು ಅಪಘಾತ
- ಭಾರತದಲ್ಲಿ ಚಿನ್ನದ ದರದ ಬಗ್ಗೆ ತಿಳಿಯಿರಿ | Gold Price In India
- ಚುನಾವಣಾ ಪ್ರಚಾರ ವೇದಿಕೆಯಲ್ಲೇ ಕುಸಿದ ಕೇಂದ್ರ ಸಚಿವ ಗಡ್ಕರಿ
- ರಾಹುಲ್ ಗಾಂಧಿ ‘ಪ್ರಧಾನಿಯಾಗಲು’ ಮೋದಿಗಿಂತ ಸಮರ್ಥರು : CM ಸಿದ್ದರಾಮಯ್ಯ
- 22 ಕೆಜಿ ಚಿನ್ನ, 6 ಕೋಟಿ ಮೌಲ್ಯದ ವಜ್ರ ಬೆಂಗಳೂರು ದಕ್ಷಿಣ ಲೋಕಸಭಾ ಕ್ಷೇತ್ರದಲ್ಲಿ ಜಪ್ತಿ
