ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಕೊನೆ ಕ್ಷಣದಲ್ಲಿ 7 ರನ್ಗಳಿಂದ ರೋಚಕ ಗೆಲುವು ಸಾಧಿಸಿದೆ.
ಟಾಸ್ ಸೋತು ಬ್ಯಾಟಿಂಗ್ಗೆ ಬಂದ ರಾಜಸ್ಥಾನ್ ರಾಯಲ್ಸ್, ಬಟ್ಲರ್ ಅಮೋಘ ಶತಕದ ನೆರವಿನಿಂದ 217 ರನ್ಗಳನ್ನ ಕಲೆ ಹಾಕಿತು.
218 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಕೆಕೆಆರ್, 19.4 ಓವರ್ನಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು ಕೇವಲ 7 ರನ್ ನಿಂದ ಸೋಲಿಗೆ ಶರಣಾಯ್ತು.
KKR ತಂಡದಲ್ಲಿ ಸಿಕ್ಸರ್ ಹಾಗೂ ಫೋರ್ಗಳ ಸುರಿಮಳೆಗೈಯ್ಯುತ್ತಿದ್ದ ಫಿಂಚ್ಗೆ ಅಯ್ಯರ್ ಉತ್ತಮ ಸಾಥ್ ನೀಡಿದರು. ಕೇವಲ 28 ಬಾಲ್ಗಳಲ್ಲಿ ಎರಡು ಸಿಕ್ಸರ್ ಹಾಗೂ 9 ಬೌಂಡರಿಗಳನ್ನ ಬಾರಿಸಿ ಗೆಲುವಿನ ಭರವಸೆಯನ್ನು ಫಿಂಚ್ ತಂದುಕೊಟ್ಟರು.
ಆದರೆ 207.14 ಸ್ಟ್ರೈಕ್ರೇಟ್ನಲ್ಲಿ 58 ರನ್ಗಳಿಸಿ ಆಡುತ್ತಿದ್ದಾಗ ಕನ್ನಡಿಗ ಪ್ರಸಿದ್ಧ್ ಕೃಷ್ಣಗೆ ವಿಕೆಟ್ ಒಪ್ಪಿಸಿ ಹೊರ ನಡೆದರು.
ಫಿಂಚ್ ಔಟ್ ಆಗ್ತಿದ್ದ ಅಯ್ಯರ್ ಅವರ ಆರ್ಭಟ ಜೋರಾಯ್ತು. 51 ಬಾಲ್ಗಳನ್ನು ಎದುರಿಸಿದ ಅಯ್ಯರ್ 166.67 ಸ್ಟ್ರೈಕ್ ರೇಟ್ನೊಂದಿಗೆ 85 ರನ್ಗಳನ್ನು ಬಾರಿಸಿ ಗೆಲುವಿನ ದಡಕ್ಕೆ ತಂಡವನ್ನು ತಂದು ನಿಲ್ಲಿಸಿದರು
ಈ ವೇಳೆ ಅಯ್ಯರ್ 4 ಸಿಕ್ಸರ್ 6 ಬೌಂಡರಿಗಳನ್ನು ಬಾರಿಸಿದರು. ಆದರೆ 17ನೇ ಓವರ್ನಲ್ಲಿ ಚಹಾಲ್ ಮಾಡಿದ ಮ್ಯಾಜಿಕ್ಗೆ ಅಯ್ಯರ್ ಕ್ರೀಸ್ನಿಂದ ನಿರಾಸೆಯಿಂದ ಹೊರನಡೆದರು.
ರಾಜಸ್ತಾನ ರಾಯಲ್ಸ್ ತಂಡದ ಭರವಸೆಯ ಆಟಗಾರ ಯುಜ್ವೇಂದ್ರ ಚಾಹಲ್ 2022ರ IPL ನ 15 ನೇ ಆವೃತ್ತಿಯಲ್ಲಿ ಮೊಟ್ಟ ಮೊದಲ ಹ್ಯಾಟ್ರಿಕ್ ವಿಕೆಟ್ ಪಡೆದರು ಅಲ್ಲದೇ 40 ರನ್ ಗಳನ್ನು ನೀಡಿ 5 ವಿಕೆಟ್ ಪಡೆದು ತಂಡವನ್ನು ಗೆಲ್ಲುವಂತೆ ಮಾಡಿದರು.