10 ಪಥದ ಬೆಂಗಳೂರು – ಮೈಸೂರು ಎಕ್ಸ್‌ಪ್ರೆಸ್ ಕಾರಿಡಾರ್ ರಸ್ತೆ ಕಾಮಗಾರಿಯು 2022 ರ ಅಕ್ಟೋಬರ್ ವೇಳೆಗೆ ಪೂರ್ಣಗೊಳ್ಳಲಿದೆ ಎಂದು ಕೇಂದ್ರ ಭೂಸಾರಿಗೆ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.
ಈ ಮಾಹಿತಿಯನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ಸಚಿವ ಗಡ್ಕರಿ, 8172 ಕೋಟಿ ರು. ವೆಚ್ಚದ ಈ ರಸ್ತೆ ಕಾಮಗಾರಿಯು ಸಮರೋಪಾದಿಯಲ್ಲಿ ನಡೆಯುತ್ತಿದೆ ಎಂದಿದ್ದಾರೆ.
ಬೆಂಗಳೂರು – ಮೈಸೂರು ನಗರದ ನಡುವಿನ ಈಗಿನ ಸಂಚಾರದ ಸಮಯ ಮೂರು ಗಂಟೆಯಾಗಿದೆ. ಈಗಿನ ರಸ್ತೆ ಕಾಮಗಾರಿ ಪೂರ್ಣಗೊಂಡು, ಲೋಕಾರ್ಪಣೆ ಆದ ಮೇಲೆ ಎರಡೂ ನಗರಗಳ ನಡುವಿನ ಸಂಚಾರ ಕೇವಲ 90 ನಿಮಿಷಗಳಾಗುತ್ತದೆ ಎಂದಿದ್ದಾರೆ.