ಸದಾ ಒಂದಿಲ್ಲೊಂದು ವಿವಾದ ಹುಟ್ಟು ಹಾಕುವ ತೆಲುಗು ಸ್ಟಾರ್ ಡೈರೆಕ್ಟರ್ ರಾಮ್ ಗೋಪಾಲ್ ವರ್ಮಾ ಇದೀಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.
ಮದ್ಯಪ್ರಿಯ ಮಾನಿನಿ ಪ್ರಿಯರಂತೆ ಕಾಣಿಸಿಕೊಳ್ಳುವ ರಾಮ್ ಗೋಪಾಲ್ ವರ್ಮಾ ತನಗೆ ವೋಡ್ಕಾ ಡ್ರಿಂಕ್ ಎಂದರೆ ಬಹಳ ಇಷ್ಟ ಎಂದು ಹೇಳಿಕೊಂಡಿದ್ದರು, ತಮ್ಮದೊಂದು ಪುಸ್ತಕಕ್ಕೆ ವೋಡ್ಕಾ ವಿತ್ ವರ್ಮಾ ಎಂದು ಹೆಸರನ್ನೂ ಇಟ್ಟಿದ್ದಾರೆ.
ನವರಾತ್ರಿ ಸಂಭ್ರಮದಲ್ಲಿ ಇಡೀ ದೇಶವೇ ಇರುವ ಸಂದರ್ಭದಲ್ಲಿ ದೇವಿಯ ಮೂರ್ತಿಗೆ ವ್ಹಿಸ್ಕಿ ಕುಡಿಸುವ ಮೂಲಕ ರಾಮ್ಗೋಪಾಲ್ ವರ್ಮಾ ವಿವಾದ ಹುಟ್ಟುಹಾಕಿದ್ದಾರೆ.
ದೇವಿಯ ಮೂರ್ತಿಗೆ ವ್ಹಿಸ್ಕಿ ಕುಡಿಸುತ್ತಿರುವ ಫೋಟೋ ಹಂಚಿಕೊಂಡಿರುವ ರಾಮ್ ಗೋಪಾಲ್ವರ್ಮಾ ಒಂದು ಟ್ವೀಟ್ನಲ್ಲಿ ಚಿಯರ್ಸ್ ಎಂದು ಬರೆದುಕೊಂಡಿದ್ದಾರೆ. ಇನ್ನೊಂದು ಟ್ವೀಟ್ನಲ್ಲಿ ಅದೇ ಫೋಟೋ ಹಂಚಿಕೊಂಡು ನಾನು ವೋಡ್ಕಾ ಕುಡಿಯುತ್ತೇನಾದರೂ ವಾರಂಗಲ್ನ ದೇವಿ ಮೈಸಮ್ಮಳಿಗೆ ವ್ಹಿಸ್ಕಿ ಕುಡಿಯುವಂತೆ ಮಾಡಿದೆ ಎಂದು ಬರೆದುಕೊಂಡಿದ್ದಾರೆ.