May 22, 2022

Newsnap Kannada

The World at your finger tips!

CID

PSI ಪರೀಕ್ಷಾ ಅಕ್ರಮ : DYSP ಸಾಲಿ ಬಂಧನ – ನೇಮಕಾತಿ ವಿಭಾಗದ ಅಧಿಕಾರಿಗಳ ವಿಚಾರಣೆ

Spread the love

PSI ಪರೀಕ್ಷಾ ಅಕ್ರಮಕ್ಕೆ ಸಂಬಂಧಿಸಿದಂತೆ ಸಿಐಡಿ ಅಧಿಕಾರಿಗಳು ರಾಯಚೂರು ಜಿಲ್ಲೆಯ ಲಿಂಗಸೂರು ಡಿವೈಎಸ್​ಪಿ ಮಲ್ಲಿಕಾರ್ಜುನ ಸಾಲಿ ವಿಚಾರಣೆ ನಡೆಸಿ ಬಳಿಕ ಬಂಧಿಸಿದೆ. ಪಿಎಸ್​ಐ ಅಕ್ರಮದ ತನಿಖೆಯ ಸುಳಿ ಸದ್ಯ ನೇಮಕಾತಿ ವಿಭಾಗದ ಹೊಸ್ತಿಲಿಗೆ ಬಂದು ನಿಂತಿದೆ.

ನೇಮಕಾತಿ ಮುಖ್ಯಸ್ಥರು, ಇತರ ಸಿಬ್ಬಂದಿ ವಿಚಾರಣೆಗೆ ನಿರ್ಧರಿಸಲಾಗಿದೆ ಎಡಿಜಿಪಿ ಅಮೃತ್ ಪೌಲ್, ಡಿಎಸ್​ಪಿ ಶಾಂತಕುಮಾರ್ ಸೇರಿ 42 ಸಿಬ್ಬಂದಿ ವಿಚಾರಣೆಗೆ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ ನೇಮಕಾತಿ ವಿಭಾಗದ ಅಧಿಕಾರಿಗಳು ಬೆಂಗಳೂರು ಬಿಟ್ಟು ಎಲ್ಲಿಯ ತೆರಳುವಂತಿಲ್ಲ ಎಂದು ಸಿಐಡಿ ಸೂಚನೆ ನೀಡಿದೆ.

ಪಿಎಸ್​ಐ ಪರೀಕ್ಷೆ ಅಕ್ರಮ, ಭ್ರಷ್ಟಾಚಾರದ ಕಡಲಿನಂತಾಗಿದೆ. ತನಿಖೆ ತೀವ್ರಗೊಂಡಂತೆ ಹೊಸ ಹೊಸ ಅಕ್ರಮ, ಅಕ್ರಮದ ಹಿಂದಿನ ಸೂತ್ರಧಾರಿಗಳು ಬಯಲಿಗೆ ಬರ್ತಿದ್ದಾರೆ. ಕಲಬುರಗಿಯಿಂದ ಬೆಂಗಳೂರಿನವರೆಗೂ ಹರಡಿರುವ ಅಕ್ರಮದ ಬೇರುಗಳ ಬೆನ್ನತ್ತಿದ ಸಿಐಡಿ ಪೊಲೀಸರ ತನಿಖೆ ಜಾಡು ಸದ್ಯ ಪೊಲೀಸರ ಬುಡಕ್ಕೆ ಬಂದು ನಿಂತಿದೆ.

ಪಿಎಸ್ಐ ಅಕ್ರಮದ ತನಿಖೆಯನ್ನು ಸಿಐಡಿ ಟೀಂ ಚುರುಕುಗೊಳಿಸಿದೆ, ಅಕ್ರಮದಲ್ಲಿ ಪೊಲೀಸರೇ ಭಾಗಿಯಾಗಿರುವುದು ಕಂಡುಬಂದಿದೆ. ಹೀಗಾಗಿ ಸದ್ಯದಲ್ಲೇ ನೇಮಕಾತಿ ವಿಭಾಗದ ಅಧಿಕಾರಿಗಳು ಹಾಗೂ ಇತರ ಸಿಬ್ಬಂದಿಯನ್ನು ವಿಚಾರಣೆ ನಡೆಸಲು ಸಿಐಡಿ ಸಿದ್ಧತೆ ಮಾಡಿಕೊಳ್ಳುತ್ತಿದೆ.

error: Content is protected !!