October 17, 2021

Newsnap Kannada

The World at your finger tips!

ಬಹುಮಹಡಿ ಕಟ್ಟಡ ಕುಸಿತ; ಕಾರ್ಮಿಕರು, ತಾಯಿ-ಮಗು ಪ್ರಾಣಾಪಾಯದಿಂದ ಪಾರು !

Spread the love

ಬೆಂಗಳೂರಿನ ವಿಲ್ಸನ್​ ಗಾರ್ಡನ್​ ಬಳಿಯ ಲಕ್ಕಸಂದ್ರದಲ್ಲಿ ಬಹುಮಹಡಿ ಕಟ್ಟಡ ಕುಸಿತ ಕಂಡಿದೆ. ಈ ಘಟನೆಯಲ್ಲಿ ಕಾರ್ಮಿಕರು, ತಾಯಿ,ಮಗು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಈ ಪ್ರಕರಣಕ್ಕೆ ಮನೆ ಮಾಲೀಕರ ನಿರ್ಲಕ್ಷ್ಯವೇ ಕಾರಣ ಎಂದು ಸ್ಥಳೀಯರು ಆರೋಪ ಮಾಡಿದ್ದಾರೆ.

ಈ ಕಟ್ಟಡದಲ್ಲಿ ವಾಸವಿದ್ದ ಮೆಟ್ರೋ ಕಾಮಗಾರಿ ಮಾಡುತ್ತಿದ್ದ ಕಾರ್ಮಿಕರು ಹಾಗೂ ಕುಸಿತಗೊಂಡ ಕಟ್ಟಡದ ಪಕ್ಕದ ನಿವಾಸದಲ್ಲಿದ್ದ ತಾಯಿ-ಮಗು ಸಾವಿನ ದವಡೆಯಿಂದ ಪಾರಾಗಿದ್ದಾರೆ.

ಇಂದು ಬೆಳಗ್ಗೆ 11 ಗಂಟೆ ಸಮಯದಲ್ಲಿ ಕಟ್ಟಡ ಬಿರುಕು ಬಿಡಲು ಆರಂಭವಾಗಿತ್ತು. ಕೂಡಲೇ ಕಾರ್ಮಿಕರು ಮನೆಯಿಂದ ಹೊರ ಬಂದರು. ಆಗಲು ಸುಮಾರು 20ಕ್ಕೂ ಕಾರ್ಮಿಕರು ಮನೆಯಲ್ಲಿ ಇದ್ದರು. ಸ್ಥಳೀಯರು ಎಚ್ಚೆತ್ತುಕೊಂಡು ಮನೆಯ ಬಳಿ ಯಾರೂ ಓಡಾಟ ಮಾಡದಂತೆ ನೋಡಿಕೊಂಡರು.

ಪಕ್ಕದ ಮನೆ ಮೇಲೆ ಹಳೆ ಕಟ್ಟಡ ಕುಸಿತವಾದ ಕಾರಣ ಪಕ್ಕದ ಮನೆಯ ಗೋಡೆಗೆ ಹಾನಿಯಾಗಿದ್ದು, ಮನೆಯಲ್ಲಿದ್ದ ತಾಯಿ-ಮಗು ಓಡಿ ಬಂದು ಪ್ರಾಣ ರಕ್ಷಣೆ ಮಾಡಿಕೊಂಡಿದ್ದಾರೆ.

ಹಳೇ ಕಟ್ಟಡ ಕಳೆದ ಎರಡು ವರ್ಷಗಳ ಹಿಂದೆಯೇ ವಾಲಿಕೊಂಡಿತ್ತು. ಈ ಬಗ್ಗೆ ಪಕ್ಕದ ಮನೆಯ ನಿವಾಸಿಗಳು ಕಟ್ಟಡ ಮಾಲೀಕನಿಗೆ ಮಾಹಿತಿಯನ್ನು ನೀಡಿದ್ದರು. ಈ ಬಗ್ಗೆ ತಲೆ ಕೆಡಿಸಿಕೊಳ್ಳದ ಮಾಲೀಕ ಮನೆಯನ್ನು ಮೆಟ್ರೋ ಕಾಮಗಾರಿಯಲ್ಲಿ ಭಾಗಿಯಾಗಿದ್ದ ಕಾರ್ಮಿಕರಿಗೆ ಬಾಡಿಗೆ ಕೊಟ್ಟಿದ್ದ.

ಎರಡು ಅಂತಸ್ತಿನ ಕಟ್ಟದಲ್ಲಿ ಸುಮಾರು 40ಕ್ಕೂ ಹೆಚ್ಚು ಕಾರ್ಮಿಕರು ವಾಸವಿದ್ದರು.‌ ಒಂದೊಮ್ಮೆ ರಾತ್ರಿ ವೇಳೆ ಕಟ್ಟಡ ಕುಸಿತ ಸಂಭವಿದ್ದರೆ ಬಹುದೊಡ್ಡ ಅನಾಹುತ ನಡೆಯುತ್ತಿತ್ತು ಎಂದು ಪಕ್ಕದ ಮನೆಯ ಮಾಲೀಕರು ತಿಳಿಸಿದ್ದಾರೆ.

error: Content is protected !!