ಕೋವಿಡ್-19 ಲಸಿಕೆ 90%ನಷ್ಟು ಯಶಸ್ವಿ- ಫೈಜರ್ ಅಧ್ಯಕ್ಷ ಬೋರ್ಲಾ ಹೇಳಿಕೆ
‘ಜಗತ್ತನ್ನೇ ಅಲ್ಲಾಡಿಸುತ್ತಿರುವ ಮಾರಕ ಖಾಯಿಲೆಯಾದ ಕೋವಿಡ್‌ಗೆ ಫೈಜರ್ ಸಂಸ್ಥೆ ತಯಾರಿಸಿರುವ ಲಸಿಕೆಯು ಶೇ. 90%ರಷ್ಟು ಪರಿಣಾಮಕಾರಿಯಾಗಿದೆ’ ಎಂದು ಫೈಜರ್ ಸಂಸ್ಥೆಯ ಅಧ್ಯಕ್ಷ ಹಾಗೂ ಸಿಇಓ ಡಾ ಅಲ್ಬರ್ಟ್ ಬೋರ್ಲಾ ಹೇಳಿದರು.
ಮೂರನೇ ಹಂತದ ಪ್ರಯೋಗದಲ್ಲಿ ಕೋವಿಡ್ 19 ಲಸಿಕೆಯು ಶೇ. 90 ರಷ್ಟು ಯಶಸ್ಸು ಕಂಡಿದೆ. ಎರಡು ಡೋಸ್‌ಗಳಲ್ಲಿ ಸ್ವಯಂ ಸೇವಕರಿಗೆ ನೀಡಿರುವ ಲಸಿಕೆ ಅದ್ಭುತ ಫಲಿತಾಂಶವನ್ನು ನೀಡಿದೆ. ಮೊದಲ ಲಸಿಕೆ ತೆಗೆದುಕೊಂಡ ಜನರಲ್ಲಿ 28 ದಿನಗಳಲ್ಲಿ ಹಾಗೂ ಎರಡನೇ ಲಸಿಕೆ ತೆಗೆದುಕೊಂಡ ಜನರಲ್ಲಿ 7 ದಿನಗಳಲ್ಲಿ ಕೊರೋನಾ ರೋಗ ನಿರೋಧಕ ಶಕ್ತಿ ಇಮ್ಮಡಿಯಾಗಿದೆ ಎಂದು ಅವರು ಹೇಳಿದರು.
ಕೊರೋನಾಗೆ ಫೈಜರ್ ಸಂಸ್ಥೆ ಕಂಡುಹಿಡಿದಿರುವ ಲಸಿಕೆಗೆ ಈಗಾಗಲೇ ಭಾರೀ ಬೇಡಿಕೆ ವ್ಯಕ್ತವಾಗಿದೆ. ಪ್ರಸ್ತುತ ವರ್ಷ 5 ಕೋಟಿ ಡೋಸ್ ಹಾಗೂ ಮುಂದಿನ ವರ್ಷ 13 ಕೋಟಿ ಡೋಸ್ ಲಸಿಕೆ ತಯಾರು ಮಾಡುವ ಯೋಜನೆಯನ್ನು ಫೈಜರ್ ಸಂಸ್ಥೆ ಹಮ್ಮಿಕೊಂಡಿದೆ. ಒಂದು ಡೋಸ್‌ಗೆ 150 ರೂಗಳ ದರ ನಿಗದಿಪಡಿಸಬಹುದು ಎಂದು ಮೂಲಗಳು ಹೇಳಿವೆ. ಪ್ರತಿಯೊಬ್ಬ ಕೊರೋನಾ ಪೀಡಿತರಿಗೂ ಎರಡು ಡೋಸ್ ಲಸಿಕೆ ಬೇಕಾಗುವದರಿಂದ ಒಬ್ಬ ವ್ಯಕ್ತಿಗೆ ಒಟ್ಟು 300 ರೂಗಳು ಬೇಕಾಗಬಹುದು ಎಂದು ಹೇಳಲಾಗುತ್ತಿದೆ.
ಇನ್ನು ಭಾರತದಲ್ಲೂ ಸಹ ಕೊರೋನಾಗೆ ಔಷಧಿ ಕಂಡು ಹಿಡಿಯಲು ಅನೇಕ ಔಷಧಿ ಸಂಸ್ಥೆಗಳು ಸಂಶೋಧನೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿವೆ. ಕೊರೋನಾ ಲಸಿಕೆಯನ್ನು ನೀಡುವಿಕೆಯ ಆದ್ಯತೆಯನ್ನು ಕೋರೋನಾ ವಿರುದ್ಧ ಹೋರಾಡುತ್ತಿರುವ ಕೊರೋನಾ ವಾರಿಯರ್ಸ್‌ಗಳಿಗೆ ಮೀಸಲಿಡಲಾಗುವದೆಂದು ಹೇಳಲಾಗುತ್ತಿದೆ.
- ಚನ್ನಪಟ್ಟಣದಲ್ಲಿ ಸಿ ಪಿ ಯೋಗೇಶ್ವರ್ ಗೆ ಭರ್ಜರಿ ಗೆಲುವು
- ಸಂಡೂರು ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಅನ್ನಪೂರ್ಣ ತುಕಾರಾಂ ಗೆಲುವು: ಅಧಿಕೃತ ಘೋಷಣೆ ಬಾಕಿ
- ರಾಜ್ಯದ ಉಪಚುನಾವಣೆಯಲ್ಲಿ ಮೂರು ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಮುನ್ನಡೆ: ಬಿಜೆಪಿಗೆ ಆಘಾತ
- ಕಾಪರ್ ಏಜ್ ಇನ್ಸ್ಟಿಟ್ಯೂಟ್ ಮಾಲೀಕ ಶರತ್‌ ಆತ್ಮಹತ್ಯೆ: ಕಾರಣ ನಿಗೂಢ
- 104ರನ್‌ಗೆ ಆಸ್ಟ್ರೇಲಿಯಾ ಆಲೌಟ್ ,ಬುಮ್ರಾಗೆ 5 ವಿಕೆಟ್
More Stories
ಚನ್ನಪಟ್ಟಣದಲ್ಲಿ ಸಿ ಪಿ ಯೋಗೇಶ್ವರ್ ಗೆ ಭರ್ಜರಿ ಗೆಲುವು
ರಾಜ್ಯದ ಸರ್ಕಾರಿ ಆಸ್ಪತ್ರೆಗಳಲ್ಲಿ ಸೇವಾ ದರ ಹೆಚ್ಚಳ
ನಕ್ಸಲ್ ನಾಯಕ ವಿಕ್ರಂ ಗೌಡ ಎನ್‌ಕೌಂಟರ್: ಗೃಹಸಚಿವ ಪರಮೇಶ್ವರ್ ದೃಢೀಕರಣ