ಸಂಸ್ಕಾರಕ್ಕಾಗಿ ಅನಾಥ ಶವ ಹೊತ್ತು ಎರಡು ಕಿಮಿ ದೂರ ಸಾಗಿದ ಮಹಿಳಾ ಎಸ್ಐ

Spread the love

ಮಹಿಳಾ ಎಸ್ಐ ಒಬ್ಬರು ಅನಾಥ ಶವಕ್ಕೆ ಹೆಗಲು ಕೊಟ್ಟು ಮಾನವೀಯತೆ ಮೆರೆದಿದ್ದಾರೆ.

ಆಂಧ್ರಪ್ರದೇಶದ ಶ್ರೀಕಾಕುಲಂ ಜಿಲ್ಲೆಯೊಂದರ ಗ್ರಾಮದಲ್ಲಿ ಅಪರೂಪದ ಘಟನೆ ನಡೆದಿದೆ.

ಅಡವಿಕೊತ್ತೂರು ಅನ್ನೋ ಗ್ರಾಮದ ಜಮೀನುವೊಂದರಲ್ಲಿ ಅನಾಥ ಶವ ಪತ್ತೆಯಾಗಿತ್ತು. ಕಾಸಿಗುಬ್ಬ ಪೊಲೀಸ್ ಠಾಣೆಯ ಸಬ್ ಇನ್ಸ್ಪೆಕ್ಟರ್ ಶಿರೀಶಾ ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿದರು.

ಗ್ರಾಮಸ್ಥರು ಶವವನ್ನು ಹೊತ್ತೊಯ್ಯಲು ಮುಂದೆ ಬರಲಿಲ್ಲ., ತಾವೇ ಶವವನ್ನು ಹೊತ್ತುಕೊಂಡು ಹೋಗಲು ಎಸ್ಐ ಮುಂದಾದರು. ಮತ್ತೋರ್ವ ವ್ಯಕ್ತಿಯ ಜೊತೆ ಶಿರೀಶಾ ಶವವನ್ನು ತಮ್ಮ ಹೆಗಲ ಮೇಲೆ ಹೊತ್ತು ಜಮೀನಿನಿಂದ ವಾಹನವಿದ್ದ ಸ್ಥಳದವರೆಗೆ ಸುಮಾರು ಎರಡು ಕಿಲೋಮೀಟರ್ ದೂರ ನಡೆದುಕೊಂಡು ಹೋಗಿದ್ದಾರೆ.

ಅಂತ್ಯಕ್ರಿಯೆ ನೆರವೇರಿಸಲು ಲಲಿತಾ ಚಾರಿಟೆಬಲ್ ಟ್ರಸ್ಟ್ಗೆ ಮೃತದೇಹವನ್ನು ಹಸ್ತಾಂತರಿಸಿದ್ದಾರೆ.ಒಬ್ಬ ಮಹಿಳಾ ಪೊಲೀಸ್ ಅಧಿಕಾರಿಯ ಮಾಡಿದ ಸಾರ್ಥಕ ಸೇವೆ ಇದು.