ಭದ್ರತೆಯ ಭಯ ಕಾಡಿದ ಹಿನ್ನೆಲೆಯಲ್ಲಿ ನ್ಯೂಜಿಲೆಂಡ್ ತಂಡವು ತನ್ನ ಪಾಕಿಸ್ತಾನದ ಪ್ರವಾಸವನ್ನೇ ರದ್ದು ಮಾಡಿದೆ.
ಪಾಕಿಸ್ತಾನದಲ್ಲಿ ಇಂದಿನಿಂದ ನಡೆಯಬೇಕಿದ್ದ ಮೂರು ಏಕದಿನ ಹಾಗೂ 5 ಟಿ-20 ಪಂದ್ಯವನ್ನು ರದ್ದು ನ್ಯೂಜಿಲೆಂಡ್ ಪ್ರವಾಸವನ್ನು ಮೊಟಕುಗೊಳಿಸಿದೆ.
ನ್ಯೂಜಿಲೆಂಡ್ ಸರ್ಕಾರದ ಸೂಚನೆ ಯಿಂದ ಆಟಗಾರರು ಪಾಕ್ ವಿರುದ್ಧದ ಸರಣಿಯಲ್ಲಿ ಆಡದಿರಲು ನಿರ್ಧರಿಸಿ ನ್ಯೂಜಿಲೆಂಡ್ ಗೆ ವಾಪಸ್ಸು ಮರಳಿಲಿದೆ.
ಪಾಕಿಸ್ತಾನದ ವಿರುದ್ಧ ನ್ಯೂಜಿಲೆಂಡ್ ತಂಡ ಮೂರು ಏಕದಿನ ಪಂದ್ಯ ಹಾಗೂ 5 ಟಿ-20 ಪಂದ್ಯವನ್ನ ಆಡಬೇಕಿತ್ತು.
ಸೆಪ್ಟೆಂಬರ್ 17, 19, 21 ರಂದು ಏಕದಿನ ಪಂದ್ಯಗಳು ಹಾಗೂ ಸೆಪ್ಟೆಂಬರ್ 25 ರಿಂದ ಅಕ್ಟೋಬರ್ 3 ವರೆಗೆ ಟಿ-20 ಪಂದ್ಯಗಳು ನಡೆಯಲಿದ್ದವು.
ಬೇಡಿಕೊಂಡ ಪಾಕಿಸ್ತಾನದ ಪ್ರಧಾನಿ :
ಸರಣಿ ಮೊಟಕುಗೊಳಿಸುವ ಸಂಬಂಧ ನ್ಯೂಜಿಲೆಂಡ್ ಪಾಕಿಸ್ತಾನಕ್ಕೆ ಸೂಚನೆ ನೀಡಿದೆ.
ಈ ವಿಚಾರ ತಿಳಿಯುತ್ತಿದ್ದಂತೆ ಪಾಕಿಸ್ತಾನದ ಪ್ರಧಾನಿ ಇಮ್ರಾನ್ ಖಾನ್ ಕೂಡಲೇ, ನ್ಯೂಜಿಲೆಂಡ್ ಪ್ರಧಾನಿ ಜಸಿಂಡಾ ಅರ್ಡೆರ್ನ್ ಅವರಿಗೆ ಕರೆ ಮಾಡಿ, ಭದ್ರತೆ ನೀಡುವ ಭರವಸೆ ನೀಡಿದ್ದಾರೆ ಎನ್ನಲಾಗಿದೆ.
ಆದರೆ ಇಮ್ರಾನ್ ಖಾನ್ ಮನವಿಯನ್ನ ನ್ಯೂಜಿಲೆಂಡ್ ಪ್ರಧಾನಿ ತಿರಸ್ಕರಿಸಿದ್ದಾರೆ ಎಂದು ವರದಿಯಾಗಿದೆ.