ಡಿ. 1 ರಂದು ಪುನೀತ್ – ಅಶ್ವಿನಿ ಅವರ 22ನೇ ವರ್ಷದ ವಿವಾಹ ವಾರ್ಷಿಕೋತ್ಸವಕ್ಕೆ ಮುನ್ನವೇ ಅಪ್ಪು ವಿದಾಯ ಹೇಳಿದ್ದಾರೆ ಎಂದು ಪತ್ನಿ ಅಶ್ವಿನಿ ರೋಧಿಸುತ್ತಿದ್ದಾರೆ.
ಡಿಸೆಂಬರ್ 1ನೇ ತಾರೀಕಿಗೆ ಪುನೀತ್ ವಿವಾಹವಾಗಿ 22 ವರ್ಷಗಳು ಆಗಲಿದೆ. 1999 ಡಿಸೆಂಬರ್ 1ಕ್ಕೆ ಅಶ್ವಿನಿಯವರನ್ನು ಪುನೀತ್ಪ್ರೀತಿಸಿ ಮದುವೆಯಾಗಿದ್ದರು.
ಇನ್ನೇನು ಕೇವಲ 30 ದಿನಗಳು ಆಗಿದ್ದರೆ, 22ನೇ ವರ್ಷದ ವಿವಾಹ ವಾರ್ಷಿಕೋತ್ಸವ ಸಂಭ್ರಮಾಚರಣೆ ಮಾಡಬೇಕಿತ್ತು. ಈಗ ಅಪ್ಪು ನಮ್ಮೊಂದಿಗಿಲ್ಲ. ಇನ್ನು ಪುನೀತ್ ರಾಜಕುಮಾರ್ ಕೇವಲ ನೆನಪು ಮಾತ್ರ ಎಂದು ಇಡೀ ಕುಟುಂಬ ಕಣ್ಣೀರು ಹಾಕಿದೆ.
ಪುನೀತ್ ರಾಜಕುಮಾರ್ ಇತ್ತೀಚೆಗೆ ಹೃದಯಾಘಾತದಿಂದ ನಿಧನರಾದ ನಂತರ ಇಡೀ ದೊಡ್ಡ ಮನೆ ಕುಟುಂಬದಲ್ಲಿ ನೀರವ ಮೌನ ಆವರಿಸಿತ್ತು. ರಾಜ್ಯಾದ್ಯಂತ ಪುನೀತ್ ಸಾವಿಗೆ ಅಭಿಮಾನಿಗಳ ಸಾಕಷ್ಟು ನೋವು ಅನುಭವಿಸುತ್ತಿದ್ದಾರೆ.