ಐಪಿಎಲ್ 20-20ಯ 28ನೇ ಪಂದ್ಯದಲ್ಲಿ ಸನ್ ರೈಸರ್ಸ್ ಆಫ್ ಹೈದರಾಬಾದ್ ತಂಡವನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡ 20 ರನ್ಗಳ ಅದ್ಭುತ ವಿಜಯ ಸಾಧಿಸಿತು.
ದುಬೈನ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸಿಎಸ್ಕೆ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು.
ಸಿಎಸ್ಕೆ ಪರ ಬ್ಯಾಟಿಂಗ್ ಆರಂಭಿಸಿದ ಆರೋನಾ ಎಸ್. ಕರನ್ ಹಾಗೂ ಫಾಫ್ ಡು ಪ್ಲೆಸಿಸ್ ಆಟಕ್ಕೆ ಸಾಧಾರಣ ಆರಂಭ ನೀಡಿದರು. ನಿರೀಕ್ಷಿತ ಆಟಗಾರ ಪ್ಲೆಸಿಸ್ ಒಂದೂ ರನ್ ಗಳಿಸದೇ ಪೆವಿಲಿಯನ್ ಸೇರಿದರು. ಕರನ್ 21 ಎಸೆತಗಳಲ್ಲಿ 31 ರನ್ ಗಳಿಕೆ ಮಾಡಿದರೆ, ನಂತರ ಬಂದ ವ್ಯಾಟ್ಸನ್ 38 ಎಸೆತಗಳಿಗೆ 46 ರನ್ ಹಾಗೂ ಅಂಬಾಟಿ ರಾಯುಡು 31 ಎಸೆತಗಳಿಗೆ 41 ರನ್ ಗಳಿಸಿ ತಂಡ ಮುನ್ನಡೆಸುವಲ್ಲಿ ತಮ್ಮ ಕೊಡುಗೆ ನೀಡಿದರು. ಸಿಎಸ್ಕೆ ತಂಡವು 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 167 ರನ್ ಗಳಿಸಿತು.
ಸಾಧಾರಣ ಗುರಿಯನ್ನು ಬೆಂಬತ್ತಿದ ಎಸ್ಆರ್ಹೆಚ್ ತಂಡದಿಂದ ಡಿ. ವಾರ್ನರ್ ಹಾಗೂ ಜೆ. ಬೇರ್ಸ್ಟೋವ್ ಮೈದಾನಕ್ಕಿಳಿದರು. ವಾರ್ನರ್ 13 ಎಸೆತಗಳಿಗೆ 9 ರನ್ ಹಾಗೂ ಬೇರ್ಸ್ಟೋವ್ 24 ಎಸೆತಗಳಿಗೆ 23 ರನ್ ಗಳಿಸಿ ಪೆವಿಯನ್ ಸೇರಿಕೊಂಡರು. ನಂತರ ಬಂದ ಕೆ. ವಿಲಿಯಮ್ಸನ್ 39 ಎಸೆತಗಳಲ್ಲಿ 57 ರನ್ ಗಳಿಸಿದರೂ ತಂಡಕ್ಕೆ ಲಾಭವಾಗಲಿಲ್ಲ. ಎಸ್ಆರ್ಹೆಚ್ ತಂಡ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 147 ರನ್ ಗಳಿಸಿ ಸೋತಿತು.
More Stories
ಚಾಮುಂಡೇಶ್ವರಿಗೆ ವಿಶೇಷ ಪೂಜೆ ಸಲ್ಲಿಸಿದ ನಟ ದರ್ಶನ್
ಲೋಕಾಯುಕ್ತದ ಹಿರಿಯ ಅಧಿಕಾರಿಗಳ ವಿರುದ್ಧ ಕೇಂದ್ರ ಜಾಗೃತ ಆಯೋಗಕ್ಕೆ ದೂರು: ಸ್ನೇಹಮಯಿ
ಅತ್ತೆ-ಸೊಸೆ ಜಗಳ: ತಾಯಿ-ಮಗ ಆತ್ಮಹತ್ಯೆ ಗೆ ಶರಣು