ಮನದಲಿ ಮನೆಮಾಡಿ ನಿಂದಿರುವೆ
ನಿಮ್ಮ ನೋಡಲು ಕಂಗಳು ಕಾತರಿಸುತಿವೆ
ಅಂಬಾರಿಯಾದ ಹೆಗಲ ಬಯಸಿದೆ
ಅಪ್ಪಾ ಎಲ್ಲಿರುವೆ?
ನಿಮ್ಮ ಮೊಗಲಗಲದೆ ಆ ನಗುವು
ರಾಜನವೋಲ್ ನಡೆವ ಆ ನಡೆಯು
ನೋಡಲೆರಡು ಕಣ್ಣು ಸಾಲದು
ಅಪ್ಪಾ ಎಲ್ಲಿರುವೆ?
ಬಂಧು ಬಳಗವ ಆದರಿಪ ಪರಿಯು
ಸತ್ಕರಿಪ ನಿಮ್ಮ ಗುಣಧರ್ಮವು
ನೆನಪಾಗುತಿವೆ ಚಣಚಣವೂ
ಅಪ್ಪಾ ಎಲ್ಲಿರುವೆ?
ಮಂಕಾಗಿದೆ ಮನ, ಮುದುಡಿದೆ ಈ ಜೀವ
ಕಂಗಳು ತೊಯ್ದಿವೆ, ಮರೆತಿಹೆ ನಗಲು
ಮಿಡಿಯುತಿಗೆ ನಿನ್ನ ತೇಜ ನೋಡಲು
ಅಪ್ಪಾ ಎಲ್ಲಿರುವೆ?
