ಮೈಸೂರು ದಸರಾ: ಜಿಲ್ಲಾಡಳಿತವು ಮೈಸೂರು ದಸರಾ ಅಂಗವಾಗಿ ಬುಧವಾರ ಬೆಳಿಗ್ಗೆ 10ಕ್ಕೆ ಬಿಡುಗಡೆ ಮಾಡಿದ 1 ಸಾವಿರ ಗೋಲ್ಡ್ ಕಾರ್ಡ್ ಹಾಗೂ ಜಂಬೂಸವಾರಿ ಮತ್ತು ಪಂಜಿನ ಕವಾಯತು ಪ್ರದರ್ಶನದ ತಲಾ 2ಸಾವಿರ ಟಿಕೆಟ್ಗಳು ಒಂದೇ ತಾಸಿನಲ್ಲೇ ಬಿಕರಿಯಾಗಿವೆ. ಇದರಿಂದ ₹89 ಲಕ್ಷ ವರಮಾನ ಬಂದಿದೆ.ಎಂದು ದಸರಾ ವಿಶೇಷಾಧಿಕಾರಿ ಹಾಗೂ ಜಿಲ್ಲಾಧಿಕಾರಿ ಕಚೇರಿಯಿಂದ ಬಿಡುಗಡೆ ಮಾಡಿದ ಪತ್ರಿಕಾ ಪ್ರಕಟಣೆ ತಿಳಿಸಿದೆ.
ಅರಮನೆ ಆವರಣದಲ್ಲಿ ದಸರಾ ಜಂಬೂಸವಾರಿ ಮೆರವಣಿಗೆಯ ವೀಕ್ಷಣೆಗೆ 3 ಸಾವಿರ ರೂಪಾಯಿ ಮುಖಬೆಲೆಯ 400 ಟಿಕೆಟ್ಗಳು ಹಾಗೂ 2 ಸಾವಿರ ರೂಪಾಯಿ ಮುಖಬೆಲೆಯ 600 ಟಿಕೆಟ್ಗಳು ಸೇಲ್ ಆಗಿವೆ. ಬನ್ನಿ ಮಂಟಪದಲ್ಲಿ ನಡೆಯುವ ಪಂಜಿನ ಕವಾಯಿತು ವೀಕ್ಷಣೆಗೆ 500 ರೂಪಾಯಿ ಮುಖಬೆಲೆಯ 1 ಸಾವಿರ ಟಿಕೆಟ್ಗಳು ಆನ್ಲೈನ್ ಮೂಲಕ ಮಾರಾಟವಾಗಿವೆ.