ಐಪಿಎಲ್ 20-20ಯ 43ನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡ, ಮುಂಬೈ ಇಂಡಿಯನ್ಸ್ ತಂಡದ ವಿರುದ್ಧ 8 ವಿಕೆಟ್ಗಳ ಜಯ ದಾಖಲಿಸಿತು.
ದುಬೈನ ಶೇಕ್ ಜಯೇದ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಎಮ್ಐ ತಂಡಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು.
ಮುಂಬೈ ತಂಡದಿಂದ ಮೈದಾನಕ್ಕಿಳಿದ ಐ.ಕಿಶನ್ ಮತ್ತು ಡಿ.ಕಾಕ್ ಆಟಕ್ಕೆ ಸಾಧಾರಣ ಆರಂಭ ನೀಡಿದರು. ಕಿಶನ್ 36 ಬಾಲ್ಗಳಿಗೆ 37 ರನ್ ಗಳಿಸಿದರೆ, ಕಾಕ್ ಕೇವಲ 6 ರನ್ಗಳಿಗೆ ಜೋಫ್ರಾ ಅರ್ಚರ್ ಅವರ ಬೌಲಿಂಗ್ನಲ್ಲಿ ಬೋಲ್ಡ್ ಆದರು. ನಂತರ ಬಂದ ಎಸ್ ಯಾದವ ಹಾಗೂ ಎಸ್. ತಿವಾರಿ ಕ್ರಮವಾಗಿ 40 ರನ್ (26 ಬಾಲ್ಗಳಿಗೆ) ಮತ್ತು 34 ರನ್ (25 ಬಾಲ್ಗಳಿಗೆ) ಗಳಿಸಿದರು. ತದನಂತರ ಬಂದ ಹಾರ್ಥಿಕ್ ಪಾಂಡ್ಯ 21 ಬಾಲ್ಗಳಿಗೆ 60 ರನ್ ಗಳಿಸಿ ತಂಡದ ಮೊತ್ತವನ್ನು 195 ಕ್ಕೆ ತಲುಪಿಸಿದರು. ಮಿಂಚಿನಾಟ ಆಡಿದರೂ ತಂಡ ಸೋಲನ್ನೊಪ್ಪಿಕೊಳ್ಳಲೇಬೇಕಾಯಿತು. ಎಮ್ಐ ತಂಡ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 195 ರನ್ ಗಳಿಸಿತು.
ಮುಂಬೈ ಬೃಹತ್ ಟಾರ್ಗೆಟ್ ಕೊಟ್ಟಿದ್ದರು ಆರ್ಆರ್ ತಂಡದಿಂದ ರಾಬಿನ್ ಉತ್ತಪ್ಪ ಹಾಗೂ ಬಿ. ಸ್ಟೋಕ್ಸ್ ಮೈದಾನಕ್ಕೆ ಇಳಿದರು. ಉತ್ತಪ್ಪ ಕೇವಲ 13 ರನ್ಗಳಿಗೆ ಪೆವಿಲಿಯನ್ ಸೇರಿದರು. ಆದರೆ, ಸ್ಟೋಕ್ಸ್ ತಂಡದ ಗೆಲುವಿಗಾಗಿ 60 ಬಾಲ್ಗಳಲ್ಲಿ 107 ರನ್ಗಳ ದೊಡ್ಡ ಮೊತ್ತವನ್ನು ತಂಡಕ್ಕೆ ನೀಡಿದರು. ಸ್ಯಾಮ್ಸನ್ 31 ಬಾಲ್ಗಳಿಗೆ 54 ರನ್ ಗಳಿಕೆ ಮಾಡಿದರು. ಆರ್ಆರ್ ತಂಡ 18.2 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 196 ರನ್ ಗಳಿಸಿ ಪಂದ್ಯದಲ್ಲಿ ಜಯಶಾಲಿಯಾಯಿತು.
More Stories
ಚಾಮುಂಡೇಶ್ವರಿಗೆ ವಿಶೇಷ ಪೂಜೆ ಸಲ್ಲಿಸಿದ ನಟ ದರ್ಶನ್
ಲೋಕಾಯುಕ್ತದ ಹಿರಿಯ ಅಧಿಕಾರಿಗಳ ವಿರುದ್ಧ ಕೇಂದ್ರ ಜಾಗೃತ ಆಯೋಗಕ್ಕೆ ದೂರು: ಸ್ನೇಹಮಯಿ
ಅತ್ತೆ-ಸೊಸೆ ಜಗಳ: ತಾಯಿ-ಮಗ ಆತ್ಮಹತ್ಯೆ ಗೆ ಶರಣು