ಭಾರತ ಸೆಮಿಫೈನಲ್ ಹೋಗಬೇಕಾದರೆ ಭಾನುವಾರದ ಮ್ಯಾಚ್ ಗೆಲ್ಲಲೇಬೇಕು

Spread the love

ಪಾಕಿಸ್ತಾನದ ಎದುರು ಸೋತಿರುವ ಟೀಮ್ ಇಂಡಿಯಾ ಇದೀಗ ಸೆಮಿಫೈನಲ್ ಆಸೆ ಜೀವಂತವಾಗಿಸಿಕೊಳ್ಳು ವ ಇಕ್ಕಟ್ಟಿಗೆ ಸಿಲುಕಿದೆ.

ಅ.31 ರಂದು ಭಾನುವಾರ ನಡೆಯುವ ಪಂದ್ಯ ಟೀಮ್ ಇಂಡಿಯಾ ಪಾಲಿಗೆ ಅತ್ಯಂತ ಮಹತ್ವದ್ದು. ಕಿವೀಸ್ ವಿರುದ್ಧದ ಕದನದಲ್ಲಿ ಜಯಿಸಿದರೆ ಮಾತ್ರ ಟೂರ್ನಿಯಲ್ಲಿ ಭಾರತದ ಹಾದಿ ಸಲೀಸಾಗಿರಲಿದೆ. ಇಲ್ಲದಿದ್ರೆ, ಸೆಮೀಸ್ ಪ್ರವೇಶಕ್ಕೆ ಟಫ್ಫೈಟ್ ಎದುರಿಸಬೇಕಾಗುತ್ತೆ.

ಈಗಾಗಲೇ ಆಡಿದ ಎರಡೂ ಪಂದ್ಯಗಳನ್ನು ಗೆದ್ದಿರುವ ಪಾಕ್, 2ನೇ ಗುಂಪಿನಿಂದ ಮೊದಲ ತಂಡವಾಗಿ ಸೆಮಿಸ್ ಪ್ರವೇಶಿಸುವ ಲೆಕ್ಕಾಚಾರದಲ್ಲಿದೆ. ಹೀಗಾಗಿ ಭಾರತ- ನ್ಯೂಜಿಲೆಂಡ್ ಹಣಾಹಣಿಯಲ್ಲಿ ಯಾರು ಜಯ ಗಳಿಸುತ್ತಾರೋ ಅವರಿಗೆ ಸೆಮೀಸ್ ಪ್ರವೇಶಿಸುವ ಅವಕಾಶ ಹೆಚ್ಚಿರಲಿದೆ.

ಕಿವೀಸ್ ವಿರುದ್ಧದ ಪಂದ್ಯ ಹೊರತುಪಡಿಸಿದ್ರೆ, ಮುಂದಿನ ಮೂರು ಪಂದ್ಯಗಳನ್ನೂ ಸುಲಭಕ್ಕೆ ಗೆಲ್ಲೋ ಅವಕಾಶ ಟೀಮ್ ಇಂಡಿಯಾ ಮುಂದಿದೆ.

ಲೀಗ್ ಹಂತದ ಕೊನೆಯ ಪಂದ್ಯಗಳಲ್ಲಿ ಅಫ್ಘಾನಿಸ್ತಾನ, ಸ್ಕಾಟ್ಲೆಂಡ್, ನಮಿಬೀಯಾ ತಂಡಗಳ ಸವಾಲು ಭಾರತಕ್ಕೆ ಎದುರಾಗಲಿದ್ದು, ಸುಲಭ ಜಯದ ನಿರೀಕ್ಷೆ ಟೀಮ್ ಇಂಡಿಯಾ ಕ್ಯಾಂಪ್ನಲ್ಲಿದೆ. ಆದ್ರೆ ಅದಕ್ಕೂ ಮುನ್ನ ಪ್ರಬಲ ಕಿವೀಸ್ ಪಡೆಯನ್ನು ಭಾರತ ಮಣಿಸಬೇಕಿದೆ.