‘ಬಿಗ್ಬಾಸ್’ ಮನೆಗೆ ಈ ಬಾರಿ ಯಾರಿಗೆಲ್ಲಾ ಎಂಟ್ರಿ ಸಿಗಬಹುದು?

December 18, 2020

ಬಿಗ್ ಬಾಸ್ ಸೀಜನ್ 8 ಕ್ಕೆ ದಿನಗಣನೆ ಶುರುವಾಗಿದೆ. ಬಹುಷ್ಯಃ ಜನವರಿ 3 ನೇ
ಈ ಬಾರಿ ಬಿಗ್ ಬಾಸ್ ಮನೆಗೆ ಯಾರೆಲ್ಲಾ ಎಂಟ್ರಿ ಕೊಡುತ್ತಾರೆ ಎಂಬ ಕುತೂಹಲ ಇದ್ದೇ ಇದೆ.

ಎಲ್ಲರಿಗೂ ಬಿಗ್ಬಾಸ್ ಮನೆಗೆ ಎಂಟ್ರಿ ಸಿಗೋದಿಲ್ಲ. ರಿಯಾಲಿಟಿ ಶೋ ಎಂದ ಮೇಲೆ ಮನರಂಜನೆನೇ ಮುಖ್ಯ. ಅದಕ್ಕೆ ಪೂರಕವಾಗಿ ಸ್ಪರ್ಧಿಗಳ ಆಯ್ಕೆ ನಡೆಯುತ್ತದೆ. ಈ ಶೋ ನಲ್ಲಿ ಹಾಡುಗಾರರು, ಹಾಸ್ಯ ನಟರು, ಹಿರಿಯ ನಾಗರಿಕರು, ಹೀರೋಯಿನ್ಸ್, ಆರ್ಜೆ, ಸ್ವಾಮೀಜಿಗಳು ಇಂತಹ ಒಂದಷ್ಟು ಲೆಕ್ಕ ಹಾಕಿ 16ರಿಂದ 17 ಜನರ ಲಿಸ್ಟ್ ಪಕ್ಕಾ ಆಗುತ್ತದೆ.

ಬಿಗ್ ಬಾಸ್ ಎಂದರೆ ಅದು ಗೃಹಬಂಧನವೇ ಸರಿ. ಅದಕ್ಕೆ ಯಾರೆಲ್ಲಾ ಸಿದ್ದರಿದ್ದಾರೆ ಎನ್ನುವುದನ್ನು ಗಮನಿಸೋಣ

ಯಾರಿಗೆಲ್ಲಾ ಬಿಗ್ ಬಾಸ್ ಗೆ ಎಂಟ್ರಿ ?

ಡ್ರೋನ್ ಪ್ರತಾಪ್, ಸೋನು ಗೌಡ, ಸಂಖ್ಯಾಶಾಸ್ತ್ರದ ಆರ್ಯವರ್ಧನ್,
ಮಿ ಸುನೀಲ್ ರಾವ್, ಶುಭಾ ಪೂಂಜಾ, ತಬಲಾ ನಾಣಿ, ಅನುಷಾ ಗೌಡ, ಟೆನ್ನಿಸ್ ಕೃಷ್ಣ ಸ್ನೇಹಿತೆಯರಾದ ಅದ್ವಿತಿ ಶೆಟ್ಟಿ ಮತ್ತು ಅಶ್ವಿತಿ ಶೆಟ್ಟಿ ಇಬ್ಬರಲ್ಲಿ ಒಬ್ಬರು ಹೀಗೆ 18 ಜನರ ತಂಡ ರೆಡಿ ಆಗ್ತಾ ಇದೆ. ಈ ಪಟ್ಟಿ ಮತ್ತೆ ಬದಲಾಗುವ ಸಾಧ್ಯತೆ ಯೂ ಇದೆ.

ಕಂಠಸಿರಿಯಿಂದ ಕನ್ನಡಿಗರ ಮನಗೆದ್ದ ಗಾಯಕ ಹನುಮಂತ. ಹಾವೇರಿ ಜಿಲ್ಲೆಯ ಸವಣೂರು ತಾಲೂಕಿನ ಚಿಲ್ಲೂರ-ಬಡ್ನಿ ಗ್ರಾಮದ ಈ ಹಳ್ಳಿ ಪ್ರತಿಭೆ ಕಳೆದ ಬಾರಿಯೇ ಬಿಗ್ಬಾಸ್ ಮನೆ ಪ್ರವೇಶ ಮಾಡುವ ಬಗ್ಗೆ ಸಾಕಷ್ಟು ಚರ್ಚೆ ಆಗಿತ್ತು. ಆದ್ರೆ, ಅದು ಸಾಧ್ಯವಾಗಿರಲಿಲ್ಲ ಆದ್ರೀಗ ಈ ಬಾರಿ ಬಿಗ್ಬಾಸ್ ಸೀಸನ್ಗೆ ಹನುಮಂತ ದೊಡ್ಮನೆ ಪ್ರವೇಶಿಸೋದು ಬಹುತೇಕ ಖಚಿತ ಎನ್ನಲಾಗ್ತಿದೆ.

ನಂಬರ್‌ ಅಂದ್ರೆ ನಾನು, ನಾನು ಅಂದ್ರೆ ನಂಬರ್‌ ಅಂತ ಸಂಖ್ಯಾಶಾಸ್ತ್ರ ಹೇಳೋ ಆರ್ಯವರ್ಧನ್‌ ಕೂಡ ಈ ಬಾರಿ ಬಿಗ್‌ಬಾಸ್‌ ಮನೆಯಲ್ಲಿ ಕಾಣಿಸಿಕೊಂಡರೆ ಅಚ್ಚರಿಯಿಲ್ಲ.

ಬಿಗ್ಬಾಸ್ ಹಿಂದಿನ ಸೀಸನ್ಗಳಲ್ಲಿ ಸ್ವಾಮಿಜಿಗಳು ಸ್ಪರ್ಧಿಗಳಾಗಿ ಬಂದಿದ್ದನ್ನು ನೋಡಿದ್ದೇವೆ. ಹಾಗೇ ಈ ಸೀಸನ್ನಲ್ಲಿ ಆರ್ಯವರ್ಧನ್ ಎಂಟ್ರಿ ಕೊಡೋದು ಬಹುತೇಕ ಖಚಿತ ಅನ್ನೋ ಮಾಹಿತಿ ಇದೆ.

ಕಾಮಿಡಿಯನ್ ಟೆನ್ನಿಸ್ ಕೃಷ್ಣ. ಇತ್ತೀಚೆನ ವರ್ಷಗಳಲ್ಲಿ ಸಿನಿಮಾಗಳಲ್ಲಿ ಹೆಚ್ಚಾಗಿ ನಟಿಸುತ್ತಿಲ್ಲ. ಬಿಗ್ಬಾಸ್ ಮನೆಗೆ ಬಂದ್ರೆ, ಕಚಗುಳಿ ಇಟ್ಟು ಪ್ರೇಕ್ಷಕರನ್ನು ರಂಜಿಸೋದ್ರಲ್ಲಿ ನೋ ಡೌಟ್.

ಹನುಮಂತನ ರೀತಿಯಲ್ಲೇ ಕಿರುತೆರೆಯಲ್ಲಿ ತಮ್ಮ ಗಾಯನದ ಮೂಲಕ ಮನೆಮಾತಾಗಿರುವವರು ಗೋವರ್ಧನ್ ತಾತ. ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹಿರಿಯೂರು ತಾಲೂಕಿನ ಕೆ ಸಿ ರೊಪ್ಪ ಗ್ರಾಮದವರು. ನಾಟಕಗಳಲ್ಲಿ ಬಣ್ಣ ಹಚ್ಚುತ್ತಾ ಹಾಡುಗಳನ್ನ ಹಾಡುತ್ತಿದ್ದ ಗೋವರ್ಧನ್ ತಾತ, ಈಗ ಗಾಯಕರಾಗಿ ಎಲ್ಲರ ಮೆಚ್ಚುಗೆ ಗಳಿಸಿದ್ದಾರೆ. ಬಿಗ್ಬಾಸ್ ಮನೆಗೆ ಗೋವರ್ಧನ್ ತಾತ ಬಂದ್ರೆ, ಉಳಿದವರ ನಾಟಕ ನಡೆಯೋದಿಲ್ಲ. ಗೋವರ್ಧನ್ ತಾತ ಬಿಗ್ಬಾಸ್ ಮನೆಗೆ ಅನಿರೀಕ್ಷಿತ ಎಂಟ್ರಿ ಆಗುತ್ತೆ.

ಮಿಸ್ಟರ್ ಅಂಡ್ ಮಿಸ್ಸಸ್ ರಾಮಾಚಾರಿ ಸಿನಿಮಾದಲ್ಲಿ ರಾಧಿಕಾ ಪಂಡಿತ್ ಸ್ನೇಹಿತೆಯರಾಗಿ ಅದ್ವಿತಿ ಶೆಟ್ಟಿ ಮತ್ತು ಅಶ್ವಿತಿ ಶೆಟ್ಟಿ ಬಣ್ಣ ಹಚ್ಚಿದ್ರು.. ಇದೀಗ ಇಬ್ರು ಚಿತ್ರರಂಗದಲ್ಲಿ ಬ್ಯುಸಿಯಾಗಿದ್ದಾರೆ.. ಇವರಿಬ್ಬರೂ, ಅಥವಾ ಒಬ್ಬರಿಗೆ ದೊಡ್ಮನೆಗೆ ಟಿಕೆಟ್ ಸಿಗೋ ಸುಳಿವು ಸಿಕ್ತಿದೆ.

ಇಂತಿ ನಿನ್ನ ಪ್ರೀತಿಯ ಸಿನಿಮಾ ಖ್ಯಾತಿಯ ಸೋನು ಗೌಡ ಕೂಡ ಬಿಗ್ಬಾಸ್ ಮನೆ ಪ್ರವೇಶಿಸುವ ಸಾಧ್ಯತೆ ಇದೆ.

ಟಿಕ್ಟಾಕ್ ವೀಡಿಯೋಗಳಿಂದ ಫೇಮಸ್ ಆಗಿರೋ ಬಿಂದು ಗೌಡ ಬಿಗ್ಬಾಸ್ ಮನೆಗೆ ಪ್ರವೇಶ ಪಡೆದ್ರು, ಅಚ್ಚರಿ ಪಡಬೇಕಿಲ್ಲ..

ಜನವರಿ ಮೂರನೇ ವಾರದವರೆಗೆ ಕಾದ್ರೆ, ಬಿಗ್ಬಾಸ್ ಶೋನ ಅಸಲಿ ಆಟ ನೋಡಬಹುದು.