ಮಂಡ್ಯದಲ್ಲಿ ಗುಡುಗು, ಸಡಿಲು ಸಹಿತ ವರುಣನ ಆರ್ಭಟ – ಹೊಸ ವರ್ಷದ ಮೊದಲ ಮಳೆ ಮಂಡ್ಯದಲ್ಲಿ ಬುಧವಾರ ಸಂಜೆ ಭಾರಿ ಮಳೆ ಸುರಿದಿದೆ.
ಪ್ಲವ ನಾಮ ಸಂವತ್ಸರದ ಮೊದಲ ಮಳೆ ಇದಾಗಿದೆ. ಕಳೆದ ಒಂದು ತಿಂಗಳಿನಿಂದ ಸೂರ್ಯನ ಬಿಸಿಲಿಗೆ ತತ್ತರಿಸಿ ಹೋಗಿದ್ದ ಜಿಲ್ಲೆಗೆ ಮುಂಗಾರು ಮಳೆ ಈ ಶುಭಾರಂಭವು ತಂಪನೆರೆದಿದೆ. ವರ್ಷಧಾರೆಯಿಂದ ಹೊಸ ವರ್ಷ ಆರಂಭವಾಗಿರುವುದು ಜನರಲ್ಲಿ ಹರ್ಷ ತಂದಿದೆ.
ಮೈಸೂರು, ಬೆಂಗಳೂರು, ಕೊಡಗು ಸೇರಿದಂತೆ ರಾಜ್ಯದ ಕೆಲವು ಭಾಗದಲ್ಲಿ ಭಾರಿ ಮಳೆಯಾಗಿದೆ. ಮಂಡ್ಯದಲ್ಲೂ ಕೂಡ ಗುಡುಗು, ಸಿಡಿಲಿನ ನಡುವೆಯೂ ಮಳೆ ಅಬ್ಬರ ಹೆಚ್ಚಾಗಿದೆ. ಮಂಡ್ಯದ ಪ್ರಮುಖ ರಸ್ತೆಗಳು ಜಲಾವೃತಗೊಂಡಿವೆ.
ಈ ವರ್ಷದ ಮೊದಲ ಮಳೆಯಿಂದಾಗಿ ಜನ ಜೀವನ, ರಸ್ತೆ ಸಂಚಾರ ಸಂಪೂರ್ಣ ಸ್ಥಬ್ಧವಾಗಿದೆ. ಸಧ್ಯಕ್ಕೆ ಮಳೆಯಿಂದ ಯಾವುದೇ ಹಾನಿಯಾದ ಬಗ್ಗೆ ವರದಿಯಾಗಿಲ್ಲ.