ಉಜಿರೆ ಬಾಲಕನ ಅಪಹರಣಕ್ಕೆ 7 ಲಕ್ಷ ಸುಫಾರಿ - ಮಂಡ್ಯದ ಇಬ್ಬರ ಯುವಕರೂ ಸೇರಿ 6 ಮಂದಿ ಬಂಧನ

Spread the love

ಉಜರೆ ಬಾಲಕ ಅಪಹರಣದಲ್ಲಿ ಮಂಡ್ಯ ಇಬ್ಬರು ಯುವಕರೂ ಸೇರಿ 21 ರಿಂದ 26 ವರ್ಷದೊಳಗಿ ತಂಡ 7 ಲಕ್ಷ ರು ಸುಫಾರಿ ಪಡೆದು ಅಪಹರಣ ಮಾಡಿತ್ತು ಎಂಬ ಸಂಗತಿ ಬಯಲಾಗಿದೆ

ಮಂಡ್ಯ ದ ರಂಜಿತ್( 21) ಹನುಮಂತ್ (22) ಮೈಸೂರಿನ ಗಂಗಾಧರ್ (25) ಬೆಂಗಳೂರಿನ ಕಮಲ್(23) ಅವರುಗಳು ಮಂಜುನಾಥ್ ( 25) ಎಂಬುವವರ ನೆರವಿನಿಂದ ಅಪಹರಣ ಮಾಡಿ ಕೋಲಾರದ ಮಹೇಶ್( 26) ಎಂಬಾತನ ಮನೆಯಲ್ಲಿ ಮಗುವನ್ನು ಬಚ್ಚಿ ಇಟ್ಟಿದ್ದರು ಎಂಬುದು ಬೆಳಕಿಗೆ ಬಂದಿದೆ.

ಬಾಲಕನ ಅಪಹರಣ ಮಾಡುವಂತೆ ವ್ಯಕ್ತಿಯೊಬ್ಬ ಈ 6 ಜನರಿಗೆ 7 ಲಕ್ಷ ರು ಸುಪಾರಿ ಕೊಟ್ಟ ವ್ಯಕ್ತಿ ಯಾರೆಂಬು ಇನ್ನೂ ಗೊತ್ತಾಗಿಲ್ಲ. ಆದರೆ ಬಾಲಕನ ತಂದೆಗೆ ಪರಿಚಯ ಇರುವ ವ್ಯಕ್ತಿ ಯೇ ಈ ಕೃತ್ಯ ಮಾಡಿದ್ದಾನೆ ಎಂಬುದು ಗೊತ್ತಾಗಿದೆ ಎಂದು ದಕ್ಷಿಣ ಕನ್ನಡ ಜಿಲ್ಲಾ ಎಸ್ಪಿ ಲಕ್ಷ್ಮೀ ಪ್ರಸಾದ್ ತಿಳಿಸಿದರು.

ಬಾಲಕನ ಪತ್ತೆಗೆ ನಾಲ್ಕು ತಂಡಗಳನ್ನು ರಚಿಸಲಾಗಿತ್ತು. ಈ ಪೈಕಿ ಮಧುಗಿರಿಯತ್ತ ಶೋಧನೆಗೆ ಹೊರಟಿದ್ದ ತಂಡಕ್ಕೆ ಬಾಲಕನನ್ನು ಕೋಲಾರದಲ್ಲಿ ಬಚ್ಚಿ ಇಡಲಾಗಿದೆ ಎಂಬ ಮಾಹಿತಿ ಆಧರಿಸಿ 6 ಜನರನ್ನು ಬಂಧಿಸಲಾಯಿತು ಎಂದು ಹೇಳಿದರು.

ಬಾಲಕನ ತಂದೆ ಬಿಜೋಯ್ ನಾಲ್ಕು ವರ್ಷಗಳ ಹಿಂದೆ ಬೀಟ್ ಕಾಯಿನ್ ಖರೀದಿಸಿದ್ದರು. ಈಗ ಬೀಟ್ ಕಾಯಿನ್ ವಹಿವಾಟು ಲಾಭದಾಯಕ ಆಗುತ್ತದೆ ಎಂದು ಲೆಕ್ಕಾಚಾರ ಹಾಕಿ ಪರಿಚಯ ಇರುವ ವ್ಯಕ್ತಿ ಬಾಲಕನನ್ನು ಅಪಹರಣ ಮಾಡಿಸಿದ್ದಾನೆಂದು ತಿಳಿಸಿದರು.