ಅಮರಾವತಿ: ತಿರುಪತಿಯ ಶ್ರೀ ವರಿಯ ಪರಕಾಮಣಿಯ ಸಂಗ್ರಹಣಾ ಕೊಠಡಿಯಲ್ಲಿ ಭಕ್ತರಿಂದ ದೊರೆತ ಚಿನ್ನಾಭರಣಗಳನ್ನು ಕದಿಯಲು ಯತ್ನಿಸಿದ ಟಿಟಿಡಿ (ತಿರುಮಲ ತಿರುಪತಿ ದೇವಸ್ಥಾನಂ) ನೌಕರನನ್ನು ಪೊಲೀಸರು ಬಂಧಿಸಿದ್ದಾರೆ.
ಹೊರಗುತ್ತಿಗೆ ಆಧಾರದಲ್ಲಿ ಟಿಟಿಡಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ವೀರಿಶೆಟ್ಟಿ ಪೆಂಚಲಯ್ಯ ಎಂಬ ವ್ಯಕ್ತಿ, ಭಕ್ತರಿಂದ ಕಾಣಿಕೆ ರೂಪದಲ್ಲಿ ಬಂದಿದ್ದ ಚಿನ್ನವನ್ನು ಕದ್ದಿದ್ದಾನೆ. ಎರಡು ವರ್ಷಗಳಿಂದ ದೇಣಿಗೆ ಹುಂಡಿಯ ಹಣ ಎಣಿಸಲು ಹಾಗೂ ವಿಂಗಡಿಸಲು ಟಿಟಿಡಿ ಹೊರಗುತ್ತಿಗೆ ನೀಡಿದ್ದ ‘ಅಗ್ರಿಗೋಸ್’ ಸಂಸ್ಥೆಯ ನೌಕರನಾಗಿದ್ದ ಪೆಂಚಲಯ್ಯ, ಚಿನ್ನಾಭರಣಗಳನ್ನು ಕದಿಯುತ್ತಿದ್ದ.
ಜನವರಿ 11, ಶನಿವಾರ ಮಧ್ಯಾಹ್ನ ಪೆಂಚಲಯ್ಯ 100 ಗ್ರಾಂ ಚಿನ್ನದ ಬಿಸ್ಕೆಟ್‌ಗಳನ್ನು ಕದಿಯಲು ಯತ್ನಿಸುತ್ತಿದ್ದ ವೇಳೆ ವಿಜಿಲೆನ್ಸ್ ಸಿಬ್ಬಂದಿ ಸಿಕ್ಕಿಬಿಡಿಸಿದರು. ಕಳ್ಳತನ ಮಾಡಿದ ಚಿನ್ನವನ್ನು ಟ್ರಾಲಿಯಲ್ಲಿ ಪರಕಾಮಣಿಯ ಕಟ್ಟಡದ ಹೊರಗೆ ಸಾಗಿಸುವ ಪ್ರಯತ್ನದ ವೇಳೆ ವಿಜಿಲೆನ್ಸ್ ಸಿಬ್ಬಂದಿ ಸಿಸಿಟಿವಿ ದೃಶ್ಯಗಳಿಂದ ಈ ಕೃತ್ಯವನ್ನು ಪತ್ತೆಹಚ್ಚಿದರು.
ವರದಿ ಮೇರೆಗೆ ತಿರುಮಲ ಪಟ್ಟಣ ಪೊಲೀಸರಿಗೆ ದೂರು ನೀಡಲಾಯಿತು. ಪೊಲೀಸರು ಪೆಂಚಲಯ್ಯನನ್ನು ಬಂಧಿಸಿ, ವಿಚಾರಣೆ ನಡೆಸಿದಾಗ ಆತನಿಂದ 555 ಗ್ರಾಂ ಚಿನ್ನ ಮತ್ತು 157 ಗ್ರಾಂ ಬೆಳ್ಳಿ ವಶಪಡಿಸಿಕೊಂಡರು. ಪತ್ತೆಯಾದ ಚಿನ್ನ ಮತ್ತು ಬೆಳ್ಳಿಯ ಒಟ್ಟು ಮೌಲ್ಯ ಅಂದಾಜು ₹46 ಲಕ್ಷ ರೂ. ಆಗಿದ್ದು, ಪ್ರಕರಣದ ತನಿಖೆ ಮುಂದುವರಿಯುತ್ತಿದೆ.
- ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರದಲ್ಲಿ 89 ಉದ್ಯೋಗಾವಕಾಶ
- ಕೆನರಾ ಬ್ಯಾಂಕ್‌ನಲ್ಲಿ 60 ಹುದ್ದೆಗಳಿಗೆ ಅರ್ಜಿ ಆಹ್ವಾನ
- ರಾಜ್ಯದ ಕೆಲ ಜಿಲ್ಲೆಗಳಲ್ಲಿ ಮಳೆಯ ಮುನ್ಸೂಚನೆ
- ತಿರುಪತಿ ತಿಮ್ಮಪ್ಪನ ಚಿನ್ನ ಕದಿಯಲು ಹೋಗಿ ಸಿಕ್ಕಿಬಿದ್ದ ಟಿಟಿಡಿ ನೌಕರ
- ಕೆಯುಡಬ್ಲೂೃಜೆ ವಾರ್ಷಿಕ ಪ್ರಶಸ್ತಿಗಳ ಪ್ರಕಟ
More Stories
ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರದಲ್ಲಿ 89 ಉದ್ಯೋಗಾವಕಾಶ
ಕೆನರಾ ಬ್ಯಾಂಕ್‌ನಲ್ಲಿ 60 ಹುದ್ದೆಗಳಿಗೆ ಅರ್ಜಿ ಆಹ್ವಾನ
ರಾಜ್ಯದ ಕೆಲ ಜಿಲ್ಲೆಗಳಲ್ಲಿ ಮಳೆಯ ಮುನ್ಸೂಚನೆ