ಮುಂಬೈನ ಹಾದಿ ಸುಲಭ: ಆರ್‌ಸಿಬಿಗೆ ಗೆ ಸಂಕಷ್ಟ

ಐಪಿಎಲ್ 20-20ಯ 46ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ, ರಾಯಲ್ ‌ಚಾಲೆಂಜರ್ಸ್ ಬೆಂಗಳೂರು ತಂಡ‌ದ ವಿರುದ್ಧ ರೋಚಕ ಗೆಲುವನ್ನು ಸಾಧಿಸಿತು.

ದುಬೈನ ಶೇಕ್ ಜಯೇದ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಎಮ್‌ಐ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು.

ಆರ್‌ಸಿಬಿ ತಂಡದಿಂದ ಆರಂಭಿಕ ಆಟಗಾರರಾಗಿ ಫೀಲ್ಡಿಗಿಳಿದ ಜೆ. ಫಿಲಿಪ್ ಹಾಗೂ ದೇವದತ್ ಪಡಿಕ್ಕಲ್ ಆಟಕ್ಕೆ ಉತ್ತಮ‌ ಆರಂಭವವನ್ನು ನೀಡಿದರು. ಫಿಲಿಪ್ 24 ಎಸೆತಗಳಿಗೆ 33 ರನ್ ಗಳಿಸಿದರೆ, ಪಡಿಕ್ಕಲ್ 45 ಎಸೆತಗಳಿಗೆ 74 ರನ್‌ಗಳ ಮೊತ್ತವನ್ನು ತಂಡಕ್ಕೆ ನೀಡಿದರು. ಆದರೆ ನಿರೀಕ್ಷಿತ ಆಟಗಾರರಾದ ವಿರಾಟ್‌ ಕೊಹ್ಲಿ ಹಾಗೂ ಎಬಿ ಡೀ ವಿಲಿಯರ್ಸ್ ಅವರ ಆಟ ಇಂದು ನಿರಾಸೆ ಮೂಡಿಸಿದ್ದಂತೂ ಸತ್ಯ. ಕೊಹ್ಲಿ 14 ಎಸೆತಗಳಿಗೆ ಕೇವಲ 9 ರನ್ ಗಳಿಸಿದರೆ, ಎಬಿ ಡೀ 12 ಎಸೆತಗಳಿಗೆ 15 ರನ್ ಗಳಿಸಿದರು. ಆರ್‌ಸಿಬಿ ತಂಡ‌ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 164 ರನ್ ಗಳಿಕೆ ಮಾಡಿತು.

ಎಮ್‌ಐ ತಂಡ ಆರ್‌ಸಿಬಿ ನೀಡಿದ ಗುರಿಯನ್ನು ಸುಲಭವಾಗಿ ಪೂರೈಸಿತು. ಎಮ್ಐ ತಂಡದಿಂದ ಆರಂಭಿಕ ಆಟಗಾರರಾಗಿ ಡಿ. ಕಾಕ್ ಹಾಗೂ ಎಸ್. ಕಿಶನ್ ಮೈದಾನಕ್ಕಿಳಿದರು‌. ಕಾಕ್ 19 ಎಸೆತಗಳಿಗೆ 18 ರನ್ ಹಾಗೂ ಕಿಶನ್ 19 ಎಸೆತಗಳಿಗೆ 25‌ ರನ್ ಗಳಿಕೆ ಮಾಡಿದರು. ನಂತರ ಬಂದ ಎಸ್. ಯಾದವ್ ತಂಡದ ಗೆಲುವಿನಲ್ಲಿ ಮಹತ್ವದ ಭಾಗಿಯಾದರು. ಯಾದವ್ 43 ಎಸೆತಗಳಿಗೆ 79 ರನ್‌ಗಳ ಬೃಹತ್ ಮೊತ್ತವನ್ನು ತಂಡಕ್ಕೆ ನೀಡಿದರು. ಎಮ್‌ಐ ತಂಡ 19.1 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 156 ರನ್ ಗಳಿಸಿ ಪಂದ್ಯದಲ್ಲಿ ಗೆಲುವಿನ‌ ಗರಿಯನ್ನು ತನ್ನದಾಗಿಸಿಕೊಂಡಿತು.