ಕೋವಿಡ್ ಸೋಂಕು ವ್ಯಾಪಕವಾದ ಹಿನ್ಲೆಯಲ್ಲಿ ಮುಂಜಾಗ್ರತ ದೃಷ್ಠಿಯಿಂದ ಕಳೆದ 7 _ತಿಂಗಳಿನಿಂದ ಬಂದ್ ಮಾಡಿದ್ದ ಚಿತ್ರಮಂದಿರಗಳನ್ನು ಸರ್ಕಾರ ಮತ್ತೆ ಮರು ಪ್ರಾರಂಭ ಮಾಡುತ್ತಿದೆ. ಇದಕ್ಕಾಗಿ ಷರತ್ತು ಗಳನ್ನು ವಿಧಿಸಿ ಮಾರ್ಗಸೂಚಿಗಳನ್ನೂ ಸರ್ಕಾರ ಪ್ರಕಟಿಸಿದೆ.
ಚಿತ್ರಮಂದಿರಗಳಲ್ಲಿ ಪ್ರಾರಂಭಕ್ಕೆ ಸಂಬಂಧಿಸಿದಂತೆ ಎಸ್‌ಓಪಿಯನ್ನು ಸಿದ್ಧಪಡಿಸಲಾಗಿದೆ. ಮಾರ್ಗಸೂಚಿಗಳು ಹೀಗಿವೆ.
- ಚಿತ್ರಮಂದಿರದ ಒಟ್ಟು ಸೀಟುಗಳಲ್ಲಿ ಶೇ. 50ರಷ್ಟು ಸೀಟುಗಳನ್ನು ಮಾತ್ರ ಪ್ರೇಕ್ಷಕರಿಗೆ ನೀಡಬೇಕು. ಅಲ್ಲದೇ ಚಿತ್ರಮಂದಿರಗಳಲ್ಲಿ ಸಾಮಾಜಿಕ ಅಂತರ ಕಡ್ಡಾಯವಾಗಿದ್ದು, ಪ್ರತಿ ಪ್ರೇಕ್ಷಕರ ಮಧ್ಯೆ ಒಂದು ಸೀಟ್ ಖಾಲಿ ಬಿಟ್ಟು, ಆ ಸೀಟಿನಲ್ಲಿ (ಖಾಲಿ ಸೀಟ್) ಯಾರೂ ಕುಳಿತುಕೊಳ್ಳದಂತೆ ಗುರುತು ಮಾಡಿರಬೇಕು.
- ಪ್ರತೀ ಪ್ರೇಕ್ಷಕರಿಗೆ ಮಾಸ್ಕ್ ಕಡ್ಡಾಯವಾಗಲಿದೆ ಹಾಗೂ ಪ್ರತೀ ಚಿತ್ರಮಂದಿರದ ಒಳಗಡೆ ಸ್ಯಾನಿಟೈಜರ್ ಇಡಬೇಕು.
- ಚಿತ್ರ ವೀಕ್ಷಣೆ ಮಾಡಲು ಪ್ರತಿಯೊಬ್ಬರೂ ಆರೋಗ್ಯ ಸೇತು ತಂತ್ರಾಂಶವನ್ನು ಕಡ್ಡಾಯವಾಗಿ ಡೌನ್‌ಲೋಡ್ ಮಾಡಿಕೊಂಡಿರಬೇಕು ಹಾಗೂ ತಾಪಮಾನ ಪರೀಕ್ಷೆ ಕಡ್ಡಾಯ.
- ಆನ್‌ಲೈನ್ ಚಿತ್ರ ಟಿಕೇಟ್‌ಗಳ ಬುಕಿಂಗ್‌ಗೆ ಹೆಚ್ಚು ಪ್ರೋತ್ಸಾಹ ನೀಡಬೇಕು ಮತ್ತು ಚಿತ್ರಮಂದಿರಗಳಲ್ಲಿ ಟಿಕೇಟ್ ನೀಡಲು ಹೆಚ್ಚಿನ ಕೌಂಟರ್‌ಗಳನ್ನು ತೆರೆಯ ಬೇಕು.
- ಚಿತ್ರಮಂದಿರಗಳಲ್ಲಿ ಪ್ಯಾಕ್ ಮಾಡಿದ ಆಹಾರ ಮಾತ್ರ ಮಾನ್ಯ.ಇದಕ್ಕಾಗಿ ಹೆಚ್ಚಿನ ಅಂಗಡಿಗಳನ್ನು ತೆರೆಯುವುದು ಕಡ್ಡಾಯ.
- ಚಿತ್ರಮಂದಿರದ ಸಿಬ್ಬಂದಿಗಳಿಗೆ ಕೈಗವಸು, ಪಿಇಪಿ ಕಿಟ್, ಮಾಸ್ಕ್ ಇವುಗಳನ್ನು ಚಿತ್ರಮಂದಿರದ ಆಡಳಿತವೇ ಒದಗಿಸಬೇಕು. ಸಿಬ್ಬಂದಿಗಳ ಸುರಕ್ಷತೆಯ ಜವಾಬ್ದಾರಿ ಚಿತ್ರಮಂದಿರದ ಆಡಳಿತದ್ದು.
- ಪ್ರತೀ ಪ್ರದರ್ಶನದ ನಂತರ ಚಿತ್ರಮಂದಿರವನ್ನು ಸಂಪೂರ್ಣವಾಗಿ ಸ್ಯಾನಿಟೈಸ್ ಮಾಡಬೇಕು. ಇದಕ್ಕಾಗಿ ಪ್ರತಿ ಪ್ರದರ್ಶನದ ನಡುವೆ 20-30 ನಿಮಿಷಗಳ ಅಂತರವಿರಬೇಕು.
- ಚಿತ್ರಮಂದಿರದ ತಾಪಮಾನ 24 ರಿಂದ 30 ಡಿಗ್ರಿ ಇರುವುದು ಕಡ್ಡಾಯ.
- ಒಂಟಿ ಪರದೆ ಚಿತ್ರಮಂದಿರಗಳಲ್ಲಿ ಸಾಕಷ್ಟು ಗಾಳಿ ವ್ಯವಸ್ಥೆ ಇರಬೇಕು.
- ಪ್ರತೀ ಪ್ರದರ್ಶನದಲ್ಲೂ ಒಂದು ನಿಮಿಷದ ಜಾಗೃತಿ ಜಾಹೀರಾತು ಕಡ್ಡಾಯ.
More Stories
MUDA ಹಗರಣ: 15,085 ನಿವೇಶನಗಳು ಪೆಂಡಿಂಗ್, ಹಲವಾರು ಅಕ್ರಮ ಬಯಲು
ರಾಜ್ಯ ಸರ್ಕಾರದಿಂದ 7 ಐಪಿಎಸ್ ಅಧಿಕಾರಿಗಳ ವರ್ಗಾವಣೆ
ಕರ್ನಾಟಕದಲ್ಲಿ 6 ಲಕ್ಷ ಎಕರೆ ವಕ್ಫ್‌ ಆಸ್ತಿಗೆ ಪರಿಗಣನೆ: ಬಿಜೆಪಿ ಶಾಸಕ ಯತ್ನಾಳ್‌ ಆರೋಪ