ಅಭಿಮಾನಿಯೊಬ್ಬ ತಾನು ಸಾಕಿದ ನಾಯಿ ಜತೆ ‘777 ಚಾರ್ಲಿ’ ಸಿನಿಮಾ ವೀಕ್ಷಿಸಲು ಹೋದಾಗ ಚಿತ್ರಮಂದಿರದವರು ನಾಯಿಗೆ ನೋ ಎಂಟ್ರಿ ಎಂದಿರುವ ಘಟನೆ ದಾವಣಗೆರೆ ತಾಲೂಕು ಪುಟಗನಾಳು ಗ್ರಾಮದಲ್ಲಿ ನಡೆದಿದೆ.
ಕೆಂಚಪ್ಪ, ತಮ್ಮೊಂದಿಗೆ ರಾಟ್ವ್ಹೀಲರ್ ತಳಿಯ ಡಯಾನಾ ಹೆಸರಿನ ಶ್ವಾನದ ಜತೆ ಚಿತ್ರ ನೋಡಲು ಗೀತಾಂಜಲಿ ಚಿತ್ರಮಂದಿರಕ್ಕೆ ಹೋಗಿದ್ದರು. ತಮ್ಮಿಂದ ಯಾರಿಗೂ ತೊಂದರೆಯಾಗದಿರಲಿ ಎಂದು ಗಾಂಧಿ ಕ್ಲಾಸ್ನಲ್ಲಿ ಮೂರು ಟಿಕೆಟ್ ಪಡೆದಿದ್ದರು.
ಆದರೆ, ಬೆಳಗಿನ ಪ್ರದರ್ಶನಕ್ಕೆ ಹೋಗುತ್ತಿದ್ದಂತೆ ಅಲ್ಲಿನ ಸಿಬ್ಬಂದಿ, ಡಿಸಿ ಸೂಚನೆ ಇದೆ, ನಾಯಿಗೆ ಚಿತ್ರಮಂದಿರದೊಳಗೆ ಪ್ರವೇಶವಿಲ್ಲ ಎಂದು ತಡೆದರು.
‘777 ಚಾರ್ಲಿ’ ಸಿನಿಮಾ ಕೂಡ ಶ್ವಾನದ್ದೇ. ನಾಯಿ ಸಿನಿಮಾ ನೋಡಬಾರದೆ? ಎಂದು ಕೆಂಚಪ್ಪ, ಸಿಬ್ಬಂದಿಯನ್ನು ತರಾಟೆಗೆ ತೆಗೆದುಕೊಂಡರು. ನಾಯಿಗಾಗಿಯೇ ಒಂದು ಹೆಚ್ಚುವರಿ ಟಿಕೆಟ್ ಪಡೆದರೂ ಯಾಕೆ ಪ್ರವೇಶ ನೀಡುತ್ತಿಲ್ಲ ಎಂದು ಆಕ್ಷೇಪಿಸಿ ಪ್ರತಿಭಟಿಸಿದರು.
ಇದನ್ನು ಓದಿ –ಎಲ್ಲರೂ ಯೋಗಾಭ್ಯಾಸದಲ್ಲಿ ತೊಡಗಬೇಕು ಎಂಬ ಮನವಿ : ಹಲವು ಭಾಷೆಗಳಲ್ಲಿ ಪ್ರಧಾನಿ ಟ್ವಿಟ್
ಅವರ ಸೋದರ ಸಿದ್ದೇಶ್, ಗ್ರಾಮದ ಯುವತಿ ಹಂಸ ಕೂಡ ಸಾಥ್ ನೀಡಿದರು. ಒಂದು ವರ್ಷದ ಡಯಾನಾ ಈಗ ಗರ್ಭವತಿ. ಅವಳಿಗೂ ಮನೆಯಲ್ಲಿ ಕೂತು ಬೋರ್ ಆಗಿದೆ. ಭಾನುವಾರ ಕೆಲಸಕ್ಕೆ ರಜೆ ಇದೆ. ನಾಯಿ ಜತೆಗೆ ಸಿನಿಮಾಕ್ಕೆ ಬಂದಿದ್ದೆ. ಸಿಬ್ಬಂದಿ ಒಳಗೆ ಬಿಡದಿದ್ದರಿಂದ ಬೇಸರವಾಯಿತು ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
- ನಟಿ ಪವಿತ್ರ ಸಾವಿನಿಂದ ನೊಂದ ಗೆಳೆಯ ನಟ ಚಂದು ಕೂಡ ಆತ್ಮಹತ್ಯೆ
- SSLC ವಿದ್ಯಾರ್ಥಿಗಳಿಗೆ ಮುಂದಿನ ವರ್ಷದಿಂದ ಗ್ರೇಸ್ ಮಾರ್ಕ್ಸ್ ಇಲ್ಲ: ಮಧು ಬಂಗಾರಪ್ಪ
- ಇಂಜಿನಿಯರಿಂಗ್ ವಿದ್ಯಾರ್ಥಿನಿ ಹಾಸ್ಟೆಲ್ ನಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಪತ್ತೆ
- ಗ್ರಾಮೀಣ ಪತ್ರಕರ್ತರಿಗೆ ಬಸ್ ಪಾಸ್: ಕೆಯುಡಬ್ಲ್ಯುಜೆ ನಿಯೋಗದಿಂದ ಮುಖ್ಯಮಂತ್ರಿಗೆ ಅಭಿನಂದನೆ
- ಎಚ್ ಡಿ ರೇವಣ್ಣನಿಗೆ ನಾಳೆ ತನಕ ಮಧ್ಯಂತರ ಜಾಮೀನು ನೀಡಿದ ನ್ಯಾಯಾಲಯ