ಮಾರುತಿ ಸುಜುಕಿಯ ದಾಖಲೆ ಮಾರಾಟ

ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ ಕಾರುಗಳ ಕಂಪನಿಯು ಈ ವರ್ಷ 30.8% ರಷ್ಟು ಹೆಚ್ಚು ಕಾರುಗಳನ್ನ ಮಾರಾಟ ಮಾಡಿ ದಾಖಲೆ ಸೃಷ್ಟಿಸಿದೆ.

2020ರ ಸೆಪ್ಟೆಂಬರ್‌ನಲ್ಲಿ ಕಂಪನಿಯು ಮಾರಾಟ ಮಾಡಿದ ಒಟ್ಟು ಘಟಕಗಳ ಸಂಖ್ಯೆ 160,442. ಸೆಪ್ಟೆಂಬರ್ 2019ಕ್ಕೆ ಹೋಲಿಸಿದಲ್ಲಿ‌ ಈ ವರ್ಷ ಅಧಿಕ ಕಾರುಗಳ ಮಾರಾಟವಾಗಿದೆ. ದೇಶಿಯವಾಗಿ ಮಾರಾಟ ಮಾಡಿದ ಘಟಕಗಳ ಸಂಖ್ಯೆ 150,040, ಇತರ ಒಇಎಂಗಳಿಗೆ 2,568 ಘಟಕಗಳು ಮಾರಾಟವಾಗಿದೆ. ಸೆಪ್ಟೆಂಬರ್ 2020 ರಲ್ಲಿ ರಫ್ತು ಮಾಡಲಾದ ಘಟಕಗಳ ಸಂಖ್ಯೆ 7,834 ಆಗಿದೆ‌.

2ನೇ ತ್ರೈಮಾಸಿಕದಲ್ಲಿ (ಎಫ್‌ವೈ 2020-21) ಒಟ್ಟು 393,130 ಘಟಕಗಳ ಮಾರಾಟದ ಮೂಲಕ ಸುಜುಕಿಯು 16.2%ರ ಸಾಧಾರಣ ಬೆಳವಣಿಗೆ ದಾಖಲಿಸಿದೆ. ಆದರೆ, ಕೋವಿಡ್ ಹಿನ್ನಲೆಯಲ್ಲಿ ಹಿಂದಿನ ವರ್ಷದ ಮಾರಾಟಕ್ಕಿಂತ H1 ಏಪ್ರಿಲ್-ಸೆಪ್ಟೆಂಬರ್ (FY2019-20) ಗಿಂತ 36.6% ನಷ್ಟು ಕುಸಿದಿದೆ.

ಪ್ರತಿಯೊಬ್ಬ ಸದಸ್ಯರ ಆರೋಗ್ಯ, ಸುರಕ್ಷತೆ ಮತ್ತು ಯೋಗಕ್ಷೇಮಕ್ಕೆ ಕಂಪನಿ ಬದ್ಧವಾಗಿದ್ದು, ಉತ್ಪಾದನೆ ಮತ್ತು ಮಾರಾಟ ಕಾರ್ಯಾಚರಣೆಗಳಲ್ಲಿ ಗ್ರಾಹಕರ ಹಾಗೂ ನೌಕರರ ಸುರಕ್ಷತೆಯ ದೃಷ್ಟಿಯಿಂದ ಎಲ್ಲ ಮುಂಜಾಗ್ರತೆಗಳನ್ನು ಕಂಪನಿ ತೆಗೆದುಕೊಂಡಿರುತ್ತದೆಂದು ಪ್ರಕಟಣೆ ಹೇಳುತ್ತದೆ.

0Like

0Love

0Haha

0Shocked

0Sad

0Angry