ಇಂದಿನ ಕಿವೀಸ್ ವಿರುದ್ದದ ಪಂದ್ಯದಲ್ಲಿ ಭಾರತಕ್ಕೆ ಗೆಲುವು ಅನಿವಾರ್ಯ

Spread the love

T 20 ವಿಶ್ವಕಪ್ ಟೂರ್ನಿಯಲ್ಲಿ ಭಾನುವಾರಸಂಜೆ ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ಪಂದ್ಯ ಟೀಮ್ ಇಂಡಿಯಾ ಪಾಲಿಗೆ ಅತೀ ಮಹತ್ವದ್ದಾಗಿದೆ.

ಇಂದಿನ ಪಂದ್ಯದ ಸೋಲು-ಗೆಲುವು ಟೂರ್ನಿಯಲ್ಲಿ ಭಾರತದ ಭವಿಷ್ಯವನ್ನ ನಿರ್ಧರಿಸಲಿದೆ.
ಐಸಿಸಿ 2021ರ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಪಾಕ್ ಹ್ಯಾಟ್ರಿಕ್ ಗೆಲುವು ದಾಖಲಿಸಿದೆ.

ಇನ್ನೊಂದು ಪಂದ್ಯ ಗೆದ್ದರೆ ಸೆಮೀಸ್ಗೆ ಎಂಟ್ರಿ ಕೊಡಲಿದೆ. ಭಾರತವೂ ಈ ಹಾದಿಗೆ ಬರಬೇಕೆಂದರೆ ಕಿವೀಸ್ ವಿರುದ್ಧ ಗೆಲ್ಲಲೇಬೇಕು.

ಒಂದು ವೇಳೆ ಸೋತರೆ ತೀವ್ರ ಹೋರಾಟ ನಡೆಸಬೇಕಾಗುತ್ತೆ. ಉಳಿದ 3 ಪಂದ್ಯಗಳಲ್ಲಿ ಗೆದ್ದರೂ ರನ್ರೇಟ್ ಗೇಮ್ ಪ್ಲೇ ಮಾಡಲಿದೆ. ಜೊತೆಗೆ ಕಿವೀಸ್ ತಂಡ ಉಳಿದ 3 ಪಂದ್ಯಗಳ ಪೈಕಿ ಎರಡರಲ್ಲಿ ಸೋಲು ಕಾಣಬೇಕಾಗುತ್ತೆ. ಹೀಗಾಗಿಯೇ ಇಂದು ಭಾರತಕ್ಕೆ ಗೆಲುವು ಅನಿವಾರ್ಯವಾಗಿದೆ.

ಅಫ್ಘಾನಿಸ್ತಾನ ಕೂಡ ಸೆಮಿಸ್ ರೇಸ್ಗೆ ಎಂಟ್ರಿ ಕೊಟ್ಟಿದೆ. ಈಗಾಗಲೇ 2ರಲ್ಲಿ ಒಂದು ಪಂದ್ಯ ಗೆದ್ದಿರುವ ಆಘ್ಘನ್, ಭಾರತ ಮತ್ತು ಕಿವೀಸ್ ಪಾಲಿಗೆ ಕಂಟಕವಾಗಿ ಪರಿಣಮಿಸಿದೆ.

18 ವಷ೯ದಿಂದ ಗೆದ್ದಿಲ್ಲ ಭಾರತ : ICC ಟೂರ್ನಮೆಂಟ್ಗಳಲ್ಲಿ ಕಳೆದ 18 ವರ್ಷಗಳಿಂದ ಕಿವೀಸ್ ವಿರುದ್ಧ ಭಾರತ ಗೆದ್ದಿಲ್ಲ.

2019ರ ವಿಶ್ವಕಪ್, ಜೂನ್ನಲ್ಲಿ ನಡೆದ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲೂ ಭಾರತದ ಚಾಂಪಿಯನ್ ಪಟ್ಟದ ಕನಸಿಗೆ ಪೆಟ್ಟು ಕೊಟ್ಟಿದ್ದು ಇದೇ ನ್ಯೂಜಿಲೆಂಡ್.

ಹೀಗಾಗಿ ಈ ಪಂದ್ಯ ಗೆದ್ದು ಸೆಮೀಸ್ ಆಸೆ ಜೀವಂತ ಮಾಡಿಕೊಳ್ಳೋದು ಜೊತೆ ಸೇಡು ತೀರಿಸಿಕೊಳ್ಳೋವ ತವಕವೂ ಕೊಹ್ಲಿ ಕ್ಯಾಂಪ್ನಲ್ಲಿದೆ.