ಪರಸ್ಪರ ಉಪಗ್ರಹಗಳ ರಕ್ಷಣೆಗೆ ಭಾರತ ಮತ್ತು ಯುಎಸ್ ಒಪ್ಪಂದ

ಭಾರತ ಮತ್ತು ಯುನೈಟೆಡ್ ಸ್ಟೇಟ್ಸ್ ಪರಸ್ಪರ ಉಪಗ್ರಹಗಳ ರಕ್ಷಣೆಯ ತಿಳುವಳಿಕೆ ಒಪ್ಪಂದಕ್ಕೆ (MOU) ಸಹಿ ಹಾಕಲು ಸಿದ್ಧವಾಗಿವೆ.

ಬೆಂಗಳೂರಿನಲ್ಲಿ ಇಸ್ರೋದ ‘NETRA’ ಗೆ ಎರಡೂ ರಾಷ್ಟ್ರಗಳ ಉಪಗ್ರಹಗಳನ್ನು ರಕ್ಷಿಸಲು ಅಮೇರಿಕನ್ ಸಂಯೋಜಿತ ಬಾಹ್ಯಾಕಾಶ ಕಾರ್ಯಾಚರಣೆ ಕೇಂದ್ರ (CSPOC) ನೊಂದಿಗೆ ಸಹಯೋಗವನ್ನು ಪ್ರಾರಂಭಿಸಲು ಮಾರ್ಗವನ್ನು ಸಿಕ್ಕಂತಾಗಿದೆ ಅಲ್ಲದೇ ನೈಸರ್ಗಿಕ ಮತ್ತು ಮಾನವ ನಿರ್ಮಿತ ಬೆದರಿಕೆಗಳನ್ನೂ ಕೂಡ ನಿಯಂತ್ರಿಸಬಹುದಾಗಿದೆ.

ವಾಷಿಂಗ್ಟನ್ ನಲ್ಲಿ ಭಾರತ-ಯುಎಸ್ 2+2 ಸಂವಾದದ ಬದಿಯಲ್ಲಿ ಬಾಹ್ಯಾಕಾಶ ಸಾಂದರ್ಭಿಕ ಜಾಗೃತಿ ಕ್ಷೇತ್ರದಲ್ಲಿ ಸಹಕಾರಕ್ಕಾಗಿ ಭಾರತ-ಯುಎಸ್ ಎಂಒಯು ಮಂಗಳವಾರ (ಭಾರತೀಯ ಪ್ರಮಾಣಿತ ಸಮಯ) ಆರಂಭದಲ್ಲಿ ಸಹಿ ಮಾಡಲಾಗುವುದು.

ಬಾಹ್ಯಾಕಾಶ ಅವಶೇಷಗಳು ಮತ್ತು ಹೊಸ , ಅಸ್ತಿತ್ವದಲ್ಲಿರುವ ಉಪಗ್ರಹಗಳ ಸುರಕ್ಷತೆ ಮತ್ತು ಭದ್ರತೆ ಮತ್ತು ಉಭಯ ರಾಷ್ಟ್ರಗಳ ಇತರ ಬಾಹ್ಯಾಕಾಶದ ಆಸ್ತಿಗಳ ಸುರಕ್ಷತೆ ಮತ್ತು ಭದ್ರತೆಗೆ ಒಡ್ಡಬಹುದಾದ ಸಂಭಾವ್ಯ ಅಪಾಯದ ಬಗ್ಗೆ ಡೇಟಾವನ್ನು ಹಂಚಿಕೊಳ್ಳಲು ಭಾರತ ಮತ್ತು ಯುಎಸ್ ಗೆ ಸಹಾಯಕವಾಗುತ್ತದೆ.

ಈ ನಡುವೆ ಅಮೇರಿಕಾ ಪ್ರವಾಸದಲ್ಲಿರುವ ಭಾರತದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಪ್ರತಿಕ್ರಿಯೆ ನೀಡಿ, ದ್ವೀಪಕ್ಷಿಯ ಮಾತುಕತೆಗಳು ಫಲಪ್ರದವಾಗುವುದನ್ನು ನಾನು ಎದುರು ನೋಡುತ್ತಿದ್ದೇನೆ ಎಂದಿದ್ದಾರೆ.

ಈ ಒಪ್ಪಂದದಿಂದಾಗಿ ಬೆಂಗಳೂರಿನಲ್ಲಿರುವ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ‘NETRA’ ಗೆ ಕ್ಯಾಲಿಫೋರ್ನಿಯಾದ ವಾಂಡೆನ್‌ಬರ್ಗ್ ಏರ್ ಫೋರ್ಸ್ ಬೇಸ್‌ನಲ್ಲಿರುವ CSPOC ಯಿಂದ ಬಾಹ್ಯಾಕಾಶ ಅವಶೇಷಗಳು ಮತ್ತು ಬಾಹ್ಯಾಕಾಶದಲ್ಲಿನ ಇತರ ವಸ್ತುಗಳು ಮತ್ತು ಅವು ಒಡ್ಡಬಹುದಾದ ಸಂಭಾವ್ಯ ಅಪಾಯದ ಬಗ್ಗೆ ಮಾಹಿತಿಯನ್ನು ಪಡೆಯಲು ಸಹಾಯ ಮಾಡುತ್ತದೆ.

ಹೊಸ ಉಡಾವಣೆಗಳು ಹಾಗೂ ಅಸ್ತಿತ್ವದಲ್ಲಿರುವ ಉಪಗ್ರಹಗಳು ಮತ್ತು ಇತರ ಬಾಹ್ಯಾಕಾಶ ಆಸ್ತಿಗಳ ಸುರಕ್ಷತೆ ಮತ್ತು ಭದ್ರತೆ ಒದಗಿಸುತ್ತವೆ ಎಂದಿದ್ದಾರೆ.

ISRO ಕಳೆದ ವರ್ಷ ಡಿಸೆಂಬರ್ 14 ರಂದು ಬೆಂಗಳೂರಿನ ಪೀಣ್ಯದಲ್ಲಿರುವ ISTRAC ಕ್ಯಾಂಪಸ್‌ನಲ್ಲಿ ಬಾಹ್ಯಾಕಾಶ ಆಬ್ಜೆಕ್ಟ್ ಟ್ರ್ಯಾಕಿಂಗ್ ಮತ್ತು ವಿಶ್ಲೇಷಣೆಗಾಗಿ ತನ್ನ ನೇತ್ರ-ನೆಟ್‌ವರ್ಕ್ ಅನ್ನು ತೆರೆಯಿತು.

US ಜಂಟಿ ಬಾಹ್ಯಾಕಾಶ ಕಾರ್ಯಾಚರಣೆ ಕಮಾಂಡ್ ಸೆಂಟರ್ (JspOC) ಯುಕೆ, ಆಸ್ಟ್ರೇಲಿಯಾ, ಕೆನಡಾ, ಫ್ರಾನ್ಸ್, ಜರ್ಮನಿ ಮತ್ತು ನ್ಯೂಜಿಲೆಂಡ್ ಅನ್ನು ಒಳಗೊಂಡಿರುವ US ನೇತೃತ್ವದ ಬಹುರಾಷ್ಟ್ರೀಯ ಉಪಕ್ರಮವಾದ CSpOC ಆಗಿ ಪರಿವರ್ತನೆಗೊಂಡಿದೆ. ಇದು ಬಾಹ್ಯಾಕಾಶ ಕಣ್ಗಾವಲು ನೆಟ್‌ವರ್ಕ್‌ನಿಂದ ಇನ್‌ಪುಟ್‌ಗಳನ್ನು ಪಡೆಯುತ್ತದೆ ಮತ್ತು US ನೊಂದಿಗೆ ಬಾಹ್ಯಾಕಾಶ ಪರಿಸ್ಥಿತಿಯ ಜಾಗೃತಿ ಒಪ್ಪಂದಗಳನ್ನು ಹೊಂದಿರುವ ರಾಷ್ಟ್ರಗಳೊಂದಿಗೆ ಡೇಟಾವನ್ನು ಹಂಚಿಕೊಳ್ಳುತ್ತದೆ.

• ಕರ್ತವ್ಯಕ್ಕೆ ತೆರಳುತ್ತಿದ್ದ ಚುನಾವಣಾ ಸಿಬ್ಬಂದಿ ಹೃದಯಾಘಾತದಿಂದ ಸಾವು
• ಪೋಷಕರ ಕಣ್ಣೆದುರೇ ಮಕ್ಕಳು ನೀರುಪಾಲು
• ಪ್ರೀತಿಯೆಂದರೆ…. ಇಷ್ಟೇನಾ
• ಹಾಸನ ಅಶ್ಲೀಲ ವಿಡಿಯೋಗಳನ್ನು ಹಂಚುವುದು ಶಿಕ್ಷಾರ್ಹ ಅಪರಾಧ: ಎಸ್‌ಐಟಿ
• ಕುಸ್ತಿಪಟು ಭಜರಂಗ್ ಪುನಿಯಾ ನಾಡಾದಿಂದ ಅಮಾನತು