ಭಾನುವಾರವೂ ಪೆಟ್ರೋಲ್ ಮತ್ತು ಡೀಸೆಲ್ ದರದಲ್ಲಿ ಏರಿಕೆಯಾಗಿದೆ ಅಂತಾರಾಷ್ಟ್ರೀಯ ತೈಲ ಕಂಪನಿಗಳು ಬೆಲೆ ಹೆಚ್ಚಿಸಿದ ಪರಿಣಾಮ ಅದರ ಬಿಸಿ ಜನರಿಗೆ ಮುಟ್ಟಿದೆ.
ಪೆಟ್ರೋಲ್ ಲೀಟರ್‌ಗೆ 28 ಪೈಸೆ, ಡೀಸೆಲ್ ಲೀ.ಗೆ 29 ಪೈಸೆಯಷ್ಟು ಹೆಚ್ಚಳವಾಗಿದೆ.
ಕಳೆದ ನವೆಂಬರ್ 20 ರಿಂದ ತೈಲ ಕಂಪನಿಗಳು ಬೆಲೆ ಪರಿಷ್ಕರಿಸಿದ ನಂತರ 14 ನೇ ಸಲ ದರ ಏರಿಕೆಯಾಗಿದೆ. ಕಳೆದ 17 ದಿನಗಳಲ್ಲಿ ಪೆಟ್ರೋಲ್-ಲೀ.ಗೆ 2.35 ಮತ್ತು ಡೀಸೆಲ್‌ನಲ್ಲಿ 3. 15 ರು ಏರಿಕೆಯಾದಂತಾಗಿದೆ.
ಅಕ್ಟೋಬರ್ 3ರಂದು ಬ್ಯಾರೆಲ್ 36. 09 ಡಾಲರ್ ಇದ್ದ ತೈಲ ದರ ಡಿ. 4 ರವೇಳೆಗೆ 49.05 ಡಾಲರ್‌ಗೆ ತಲುಪಿದೆ.
2018 ರಿಂದೀಚೆಗೆ ಪೆಟ್ರೋಲ್ ಮತ್ತು ಡೀಸೆಲ್ ದರ ಸದ್ಯದ ಮಟ್ಟಿಗೆ ಗರಿಷ್ಠಮಟ್ಟದ್ದಾಗಿದೆ ಎಂದು ವರದಿಗಳು ಹೇಳಿವೆ.
ಬೆಂಗಳೂರಿನಲ್ಲಿ ಪೆಟ್ರೋಲ್ ದರ ಲೀ.ಗೆ 86. 20 ರೂ. ಮತ್ತು ಡೀಸೆಲ್ 78.03 ರೂ.ಗೆ ಹೆಚ್ಚಳವಾಗಿದೆ.