ಮೊಬೈಲ್ ನಲ್ಲಿ ಗರ್ಭಿಣಿ ಪತ್ನಿ ಜೊತೆ ಮಾತನಾಡುತ್ತಲೇ ನೇಣಿಗೆ ಶರಣಾದ ಪತಿ!

Spread the love

ಮನಸ್ಸು ಸ್ಥಿಮಿತವನ್ನು ಕಳೆದು ಕೊಂಡಾಗ ವ್ಯಕ್ತಿಯ ಬದುಕು ಛಿದ್ರವಾಗುತ್ತದೆ. ತಂದೆ ಸಾವಿನಿಂದ ಮನನೊಂದ ವ್ಯಕ್ತಿಯೊಬ್ಬ ಮೊಬೈಲ್ ನಲ್ಲಿ ಪತ್ನಿ ಜೊತೆ ಮಾತನಾಡಿಕೊಂಡೇ ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ.

ಈ ಘಟನೆ ಹುಬ್ಬಳ್ಳಿ ತಾಲೂಕಿನ ತಾರಿಹಾಳ ಕೈಗಾರಿಕಾ ಪ್ರದೇಶದಲ್ಲಿ ನಡೆದಿದೆ.ಪಶ್ಚಿಮ ಬಂಗಾಲ ಮೂಲದ
ಮೋಹನ ಸಿಂಗ್ ಎಂಬಾತನೇ ಆತ್ಮಹತ್ಯೆ ಮಾಡಿಕೊಂಡವನು.

ಕಳೆದ ಎರಡು ತಿಂಗಳ ಹಿಂದೆ ದೂರದ ಪಶ್ಚಿಮಬಂಗಾಳದಿಂದ ಕೆಲಸಕ್ಕೆಂದು ಬಂದು ಹುಬ್ಬಳ್ಳಿಯ ತಾರಿಹಾಳದ ಫೇವರ್ಸ್ ಕಂಪನಿಯಲ್ಲಿ ಕೆಲಸಕ್ಕೆ ಬಂದಿದ್ದ.

ಇತ್ತೀಚಿಗೆ ತಂದೆಯ ಸಾವಿನ ನಂತರ ಮನನೊಂದು ತನ್ನ ತುಂಬು ಗರ್ಭಿಣಿ ಹೆಂಡತಿಯ ಜೊತೆ(ಪಶ್ಚಿಮ ಬಂಗಾಲದಲ್ಲಿರುವ) ಮೊಬೈಲ್ ನಲ್ಲಿ ಮಾತನಾಡುತ್ತಲೇ ನೇಣಿಗೆ ಶರಣಾಗಿದ್ದಾನೆ.

ಈ ವೇಳೆ ಮೋಹನಸಿಂಗ್ ಹೆಂಡತಿ ಜಿನುಪ ಸಿಂಗ್ ಗಂಡನ ಜೊತೆ ಕೆಲಸ ಮಾಡುವ ಸಹ ಕಾರ್ಮಿಕ, ಆತನ ಗೆಳೆಯ ಶುಭಾಷಿನ ಎಂಬಾತನಿಗೆ ಕರೆ ಮಾಡಿ ನನ್ನ ಗಂಡ ಆತ್ಮಹತ್ಯೆ ಮಾಡಿಕೊಳ್ಳಲು ಮುಂದಾಗಿದ್ದಾನೆ. ತಕ್ಷಣ ತಪ್ಪಿಸಿ ಎಂದು ಹೇಳಿದ್ದಾಳೆ.

ಪತಿ ಗೆಳೆಯ ಧಾವಿಸಿ ಅಲ್ಲಿಗೆ ಹೋಗುವಷ್ಟರಲ್ಲೇ ನೇಣಿನ ಕುಣಿಕೆ ಬಿಗಿಯಾಗಿತ್ತು. ಆದರೂ ತಕ್ಷಣ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ರವಾನೆ ಮಾಡಿದರೂ, ಯಾವುದೇ ಪ್ರಯೋಜನವಾಗಿಲ್ಲ. ತುಂಬು ಗರ್ಭಿಣಿ ಪತ್ನಿ, ಆಕೆಯ ಹೊಟ್ಟೆಯಲ್ಲಿರುವ ಮಗುವನ್ನು ಅನಾಥರಾಗಿ ಮಾಡಿ ಹೋಗೇ ಬಿಟ್ಟ.

ಘಟನೆಯ ಬಗ್ಗೆ ಕಾರ್ಮಿಕನ ಕುಟುಂಬಕ್ಕೆ ಪೊಲೀಸರು ಮಾಹಿತಿ ನೀಡಿದ್ದು, ನಾಳೆಯವರೆಗೆ ಪಶ್ಚಿಮ ಬಂಗಾಳದಿಂದ ಬರುವ ನಿರೀಕ್ಷೆಯಿದೆ. ಶವವನ್ನ ಕಿಮ್ಸನ ಶವಾಗಾರದಲ್ಲಿಡಲಾಗಿದ್ದು, ಪ್ರಕರಣ ಹುಬ್ಬಳ್ಳಿ ಗ್ರಾಮೀಣ ಠಾಣೆಯಲ್ಲಿ ದಾಖಲಾಗಿದೆ.