ಲಸಿಕೆ ಹಾಕಿಸಿಕೊಂಡಿದ್ದ ಸಚಿವರಿಗೂ ಮತ್ತೆ ಕೊರೋನಾ ಸೋಂಕು

Spread the love

ನವೆಂಬರ್ ೨೦ರಂದು ಪ್ರಯೋಗಾತ್ಮಕವಾಗಿ ಕೊರೋನಾ ಲಸಿಕೆ ಹಾಕಿಸಿಕೊಂಡಿದ್ದ ಹರಿಯಾಣದ ಆರೋಗ್ಯ ಸಚಿವ ಅನಿಲ್ ವಿಜ್ ಅವರಿಗೆ ಮತ್ತೆ ಕೋವಿಡ್-೧೯ ಸೋಂಕು ಇರುವುದು ಖಚಿತವಾಗಿದೆ.

ಈ ಬಗ್ಗೆ ಸಚಿವರೇ ಟ್ವೀಟ್‌ಮಾಡಿ ಈ ವಿಷಯ ತಿಳಿಸಿ ಅಂಬಾಲದಲ್ಲಿರುವ ಸರ್ಕಾರಿ ಆಸ್ಪತ್ರೆಗೆ ಸೇರಿರುವುದಾಗಿ ಹೇಳಿದ್ದಾರೆ.

ಅಂಬಾಲದಲ್ಲಿ ನಡೆದ ಮೂರನೇ ಹಂತದಲ್ಲಿ ಪ್ರಯೋಗಾರ್ಥ ಕೋವ್ಯಾಕ್ಸಿನ್ ಲಸಿಕೆಯನ್ನು ಸ್ವಯಂ ಸೇವಕರಾಗಿ ಸಚಿವರು ಪಡೆದುಕೊಂಡಿದ್ದರು.

ಈ ಲಸಿಕೆಯನ್ನು ಹೈದರಾಬಾದ್ ಮೂಲದ ಭಾರತ್ ಬಯೋಟೆಕ್ ಕಂಪನಿ ತಯಾರಿಸುತ್ತಿದೆ. ಕಳೆದ ವಾರ ಪ್ರಧಾನಿ ನರೇಂದ್ರಮೋದಿ ಈ ಸಂಸ್ಥೆಗೂ ಭೇಟಿ ನೀಡಿ ಲಸಿಕೆ ಅಭಿವೃದ್ಧಿ ಕುರಿತು ಮಾಹಿತಿ ಪಡೆದಿದ್ದರು. ಭಾರತದಲ್ಲಿ ೯೬ ಲಕ್ಷ ಜನರು ಕೋವಿಡ್-೧೯ ತುತ್ತಾಗಿದ್ದು, ವಿಶ್ವದಲ್ಲಿ ಅಮೆರಿಕದ ನಂತರ ಹೆಚ್ಚಿನ ಸೋಂಕು ಕಾಣಿಸಿಕೊಂಡ ದೇಶ ಇದಾಗಿದೆ.