ಚಿಕ್ಕಬಳ್ಳಾಪುರ : ಮತ್ತೊಂದು ಗಣಿಸ್ಫೋಟ; ಐವರ ದುರಂತ ಸಾವು- ಛಿದ್ರವಾಗಿರುವ ದೇಹಗಳು

Spread the love

ಗಣಿಯೊಂದರಲ್ಲಿ ಸ್ಫೋಟಕಗಳು ಬ್ಲಾಸ್ಟ್ ಆಗಿ ಐವರು ಸಾವನ್ನಪ್ಪಿದ್ದಾರೆ. ಸ್ಪೋಟದ ತೀವ್ರತೆಗೆ ಮೃತದೇಹಗಳೆಲ್ಲಾ ಛಿದ್ರ ಛಿದ್ರವಾಗಿ ನೂರಾರು ಮೀಟರ್ ದೂರದಲ್ಲಿ ಬಿದ್ದಿರುವ ಘಟನೆ ಚಿಕ್ಕಬಳ್ಳಾಪುರ ತಾಲೂಕು ಹಿರೇನಾಗವಲ್ಲಿ ಗ್ರಾಮದ ಬಳಿ ಕಳೆದ ಮಧ್ಯ ರಾತ್ರಿ ಸಂಭವಿಸಿದೆ.

ಈ ದುರಂತದಲ್ಲಿ ಎಂಜಿನಿಯರ್ ಉಮಾಕಾಂತ್, ಸ್ಥಳೀಯ ನಿವಾಸಿ ರಾಮು, ವಾಚ್ಮ್ಯಾನ್ ಮಹೇಶ್, ಕಂಪ್ಯೂಟರ್ ಅಪರೇಟರ್ ಮುರಳಿ ಹಾಗೂ ಗಂಗಾಧರ್ ಧಾರುಣವಾಗಿ ಸಾವನ್ನಪ್ಪಿದ್ದಾರೆ. ಟಾಟಾ ಏಸ್ ಚಾಲಕ ರಿಯಾಜ್ ಎಂಬವರಿಗೆ ಗಂಭೀರ ಗಾಯವಾಗಿದೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಶಿವಮೊಗ್ಗದ ಹುಣಸೋಡು ಕ್ರಷರ್ನಲ್ಲಿ ಜಿಲೆಟಿನ್ ಸ್ಫೋಟವಾದ ಪ್ರಕರಣ ಮಾಸುವ ಮುನ್ನವೇ ರಾಜ್ಯದಲ್ಲಿ ಮತ್ತೊಂದು ಅದೇ ರೀತಿಯ ದುರಂತ ನಡೆದಿದೆ.

ಗಣಿ ಮಾಲೀಕರು ಯಾರು ? :

ರಾಘವೇಂದ್ರ ರೆಡ್ಡಿ, ಶಿವಾ ರೆಡ್ಡಿ ಹಾಗೂ ನಾಗರಾಜ್ ಮಾಲೀಕತ್ವದ ಬ್ರಹ್ಮರ ವಾಸಿನಿ ಎಂ ಸ್ಯಾಂಡಲ್ ಪ್ರೈವೇಟೆ ಲಿಮಿಟೆಡ್ ಕ್ರಷರ್ನಲ್ಲಿ ಈ ಘಟನೆ ನಡೆದಿದೆ.