ಕೊರೊನಾ ಸಾಂಕ್ರಾಮಿಕದ ಕಾರಣ ಭಾರತದ ಆರ್ಥಿಕತೆ ಮೇಲೆ ಹೊಡೆತ ಬಿದ್ದಿತ್ತು. ಇದೀಗ ವ್ಯಾಪಾರೋದ್ಯಮ ಕ್ರಮೇಣವಾಗಿ ಚೇತರಿಕೆ ಕಾಣುತ್ತಿದೆ.
ಈ ನಿಟ್ಟಿನಲ್ಲಿ ಇತಿಹಾಸಲ್ಲೇ ಮೊದಲ ಬಾರಿಗೆ 50 ಸಾವಿರ ಸೆನ್ಸೆಕ್ಸ್ ದಾಖಲೆಯ ಏರಿಕೆ ಕಂಡಿದೆ.
ಇಂದು ಬಿಎಸ್ ಇ ಸೆನ್ಸೆಕ್ಸ್ 50,000 ಗಡಿ ದಾಟುವ ಮೂಲಕ ದಾಖಲೆ ನಿರ್ಮಿಸಿದೆ. ಷೇರು ವಹಿವಾಟು ಆರಂಭವಾಗಿ, ಪ್ರೀ ಓಪನಿಂಗ್ ಸೆಷನ್ನಲ್ಲೇ ಸೆನ್ಸೆಕ್ಸ್ 240 ಪಾಯಿಂಟ್ಸ್ ಏರಿಕೆ ಕಂಡು 50 ಸಾವಿರದ ಗಡಿ ದಾಟಿದೆ.
ನಿಫ್ಟಿ ಸೂಚ್ಯಂಕ 124 ಪಾಯಿಂಟ್ಸ್ ಏರಿಕೆ ಕಂಡು 14,700ಕ್ಕಿಂತ ಮೇಲೆ ಜಿಗಿದಿದೆ. ಆರ್ಐಎಲ್, ಇನ್ಫೋಸಿಸ್ ಹಾಗೂ ಟಿಸಿಎಸ್ ಕಂಪನಿಗಳು ಲಾಭ ಗಳಿಸಿದ ಟಾಪ್ ಸಂಸ್ಥೆಗಳಾಗಿವೆ.
ಸಂಭ್ರಮ – ಸಂತಸ :
1) 50 ಸಾವಿರದ ಗಡಿ ದಾಟಿದ ಷೇರು ಸೂಚ್ಯಂಕ
2) ಮುಂಬೈ ಷೇರುಮಾರುಕಟ್ಟೆಯಲ್ಲಿ ಮುಗಿಲು ಮುಟ್ಟಿದ ಸಂಭ್ರಮ
3) ಬೆಳ್ಳಂಬೆಳಗ್ಗೆ ಷೇರುದಾರರಿಗೆ ಶುಭ ಸುದ್ದಿ
4) ಏರುಗತಿಯಲ್ಲಿ ವೇಗವಾಗಿ ವೃದ್ಧಿಕಂಡ ಸೆನ್ಸೆಕ್ಸ್ ಸೂಚ್ಯಂಕ
5) 304.45 ಅಂಕಗಳ ಏರಿಕೆಯೊಂದಿಗೆ ಅರ್ಧಶತಕದ ಗಡಿ ದಾಟಿದ ಸೂಚ್ಯಂಕ
6) ಮೊದಲ ಲಾಕ್ಡೌನ್ ವೇಳೆ ಅರ್ಧಕ್ಕೆ ಅರ್ಧ ಕುಸಿದಿದ್ದ ಸೂಚ್ಯಂಕ
7) ಇತಿಹಾಸದಲ್ಲೇ ಮೊದಲ ಬಾರಿ 50 ಸಾವಿರದ ಗಡಿ ದಾಟಿದ ಸೂಚ್ಯಂಕ