ಮೈಸೂರಿನಿಂದ ಮಂಗಳೂರಿಗೆ ವಿಮಾನ ಸಂಚಾರ ಆರಂಭ

Spread the love

ಪ್ರಯಾಣ ವೆಚ್ಚ 2300 ರು ಗಳು.
ಪ್ರಯಾಣ ಸಮಯ 1 ಗಂಟೆ 10 ನಿಮಿಷ

ಸಾಂಸ್ಕ್ರತಿಕ ನಗರಿ ಮೈಸೂರಿನಿಂದ ಮಂಗಳೂರಿಗೆ ವಿಮಾನ ಹಾರಾಟ ಇಂದಿನಿಂದ ಆರಂಭವಾಗಿದೆ.

ಏರ್ ಇಂಡಿಯಾ ಅಲೆಯನ್ಸ್ ವಿಮಾನಯಾನ ಸಂಸ್ಥೆಯಿಂದ ವಿಮಾನ ಹಾರಾಟಕ್ಕ ವಿದ್ಯುಕ್ತ ಚಾಲನೆ ಸಿಕ್ಕಿದೆ.

ಮೈಸೂರು ವಿಮಾನ ನಿಲ್ದಾಣದಲ್ಲಿ ಸಂಸದ ಪ್ರತಾಪ್ ಸಿಂಹ ವಿಮಾನ ಹಾರಾಟಕ್ಕೆ ಹಸಿರು ನಿಶಾನೆ ತೋರಿದರು.
ಈ ಸಂದರ್ಭದಲ್ಲಿ ಶಾಸಕ ಜಿ.ಟಿ.ದೇವೇಗೌಡರು ಸೇರಿದಂತ ಹಲವು ಅಧಿಕಾರಿಗಳು ಉಪಸ್ಥಿತರಿದ್ದರು.

ವಿಮಾನ‌ ಸಂಚಾರ ಯಾವ ದಿನ ?

ಪ್ರತಿ ಬುಧವಾರ, ಶುಕ್ರವಾರ, ಶನಿವಾರ ಮತ್ತು ಭಾನುವಾರದಂದು ಮೈಸೂರಿ ನಿಂದ ಮಂಗಳೂರಿಗೆ ವಿಮಾನ ಹಾರಾಟವಿರುತ್ತದೆ.
ಬೆಳಿಗ್ಗೆ 11.20 ಕ್ಕೆ ಮೈಸೂರಿನಿಂದ ಹೊರಡುವ ವಿಮಾನ 12.30 ಕ್ಕೆ ಮಂಗಳೂರು ತಲುಪಲಿದೆ. ಹಾಗೆಯೇ 12.55 ಕ್ಕೆ ಮಂಗಳೂರಿನಿಂದ ಹೊರಡುವ ವಿಮಾನ 1.55 ಗಂಟೆಗೆ ಮೈಸೂರಿಗೆ ಬಂದು ತಲುಪಲಿದೆ.
ಮೈಸೂರಿನಿಂದ ಮಂಗಳೂರು ನಗರಕ್ಕೆ 255 ಕಿಲೋ ಮೀಟರ್ ದೂರವಿದೆ. ಬಸ್ಸಿನಲ್ಲಿ ಹೋಗುವುದಾದರೆ 6 ರಿಂದ 7 ಗಂಟೆ ಸಮಯ ತೆಗೆದುಕೊಳ್ಳುತ್ತದೆ. ಕಾರ್ ಪ್ರಯಾಣ 5 ಗಂಟೆಯಾಗುತ್ತದೆ.
ವಿಮಾನ ಸೇವೆ ಬಳಸಿಕೊಂಡರೆ ಕೇವಲ ಒಂದು ಗಂಟೆ ಅವಧಿಯಲ್ಲಿ ಮೈಸೂರಿನಿಂದ ಮಂಗಳೂರು ತಲುಪಬಹುದಾಗಿದೆ.