ಬಿಹಾರ ಚುನಾವಣೆ; ಎನ್​ಡಿಎಗೆ ತುಸು ಮೇಲುಗೈ

ಬಿಹಾರ ರಾಜ್ಯದ 243 ಕ್ಷೇತ್ರಗಳ ವಿಧಾನಸಭಾ ಚುನಾವಣೆಯಲ್ಲಿ ಎನ್​ಡಿಎ ಮತ್ತು ಮಹಾಘಟಬಂಧನ್ ಮೈತ್ರಿಕೂಟದ ಮಧ್ಯೆ ಬಿರುಸಿನ ಪೈಪೋಟಿ ನಡೆದಿದೆ.

ಮತ ಎಣಿಕೆಯ ಆರಂಭದಿಂದಲೂ ಹೆಚ್ಚೂಕಡಿಮೆ ಸಮಾನವಾಗಿ ಮುನ್ನಡೆ ಸ್ಥಿತಿ ಹೊಂದಿವೆ.  ಈವರೆಗೆ 243 ಕ್ಷೇತ್ರಗಳ ಪೈಕಿ 242 ಕ್ಷೇತ್ರಗಳಲ್ಲಿ ಮತ ಎಣಿಕೆ ಮಾಹಿತಿ ಬಂದಿದ್ದು, ಎನ್​ಡಿಎ ಮೈತ್ರಿಕೂಟ 121 ಕಡೆ ಮುನ್ನಡೆ ಹೊಂದಿದರೆ, ಮಹಾಘಟಬಂಧನ್ 112 ಕಡೆ ಮುನ್ನಡೆ ಪಡೆದಿದೆ. ಮಧ್ಯಾಹ್ನದಷ್ಟರಲ್ಲಿ ಬಹುತೇಕ ಫಲಿತಾಂಶ ಹೊರಬೀಳಲಿದೆ.

ಎನ್​ಡಿಎ ಮೈತ್ರಿಕೂಟದಲ್ಲಿ ಜೆಡಿಯುಗಿಂತ ತುಸು ಕಡಿಮೆ ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದ್ದ ಬಿಜೆಪಿ ಹೆಚ್ಚು ಕ್ಷೇತ್ರಗಳಲ್ಲಿ ಮುನ್ನಡೆ ಪಡೆದಿದೆ. ಮಹಾಘಟಬಂಧನದಲ್ಲಿ ನಿರೀಕ್ಷೆಯಂತೆ ಆರ್​ಜೆಡಿ ಭರ್ಜರಿ ಮುನ್ನಡೆ ಗಳಿಸಿದೆ. ಎಡಪಕ್ಷಗಳೂ ಕೂಡ ತಮ್ಮ ಅಸ್ತಿತ್ವವನ್ನು ಜೋರಾಗಿಯೇ ತೋರಿಸುತ್ತಿವೆ. ಒಟ್ಟಾರೆ ಪಕ್ಷಾವಾರು ಲೆಕ್ಕ ತೆಗೆದುಕೊಂಡಾಗ ಆರ್​ಜೆಡಿ ಮೊದಲ ಸ್ಥಾನದಲ್ಲಿದೆ. ಬಿಜೆಪಿ ಮತ್ತು ಜೆಡಿಯು ನಂತರದ ಸ್ಥಾನಗಳಲ್ಲಿವೆ. 

ಇದೇ ವೇಳೆ, ಹಲವಾರು ಕಾರಣಕ್ಕೆ ಬಿಹಾರ ಚುನಾವಣೆ ರಾಷ್ಟ್ರವ್ಯಾಪಿ ಕುತೂಹಲ ಮೂಡಿಸಿದೆ. ಎನ್​ಡಿಎ ಮತ್ತು ಮಹಾಘಟಬಂಧನ (ಎಂಟಿಬಿ) ಇಲ್ಲಿ ಪ್ರಮುಖ ಮೈತ್ರಿಕೂಟಗಳಾಗಿವೆ. ಹಾಲಿ ಸಿಎಂ ನಿತೀಶ್ ಕುಮಾರ್ ನೇತೃತ್ವದ ಎನ್​ಡಿಎ ವಿರುದ್ಧ ತೇಜಸ್ವಿ ಯಾದವ್ ನೇತೃತ್ವದ ಎಂಟಿಬಿ ತೀವ್ರ ಸ್ಪರ್ಧೆಯೊಡ್ಡಿದೆ. ಬಹುತೇಕ ಚುನಾವಣೋತ್ತರ ಸಮೀಕ್ಷೆಗಳು ಮಹಾಘಟಬಂಧನದ ಗೆಲುವನ್ನು ಸೂಚಿಸಿವೆ. 243 ಸದಸ್ಯ ಬಲದ ಬಿಹಾರ ವಿಧಾನಸಭೆಗೆ ಒಟ್ಟು ಮೂರು ಹಂತಗಳಲ್ಲಿ ಚುನಾವಣೆ ನಡೆದಿತ್ತು. ಅಕ್ಟೋಬರ್ 28, ನವೆಂಬರ್ 3 ಹಾಗೂ ನವೆಂಬರ್ 7ರಂದು ಮತದಾನ ನಡೆದಿತ್ತು. ಒಟ್ಟಾರೆ ಶೇ 57ರಷ್ಟು ಮತದಾನವಾಗಿತ್ತು. 3,755 ಅಭ್ಯರ್ಥಿಗಳ ಭವಿಷ್ಯ ನಿರ್ಧಾರವಾಗುತ್ತಿದೆ.

ಹಿನ್ನಡೆಯಲ್ಲಿರುವ ಪ್ರಮುಖರು: ಪಪ್ಪು ಯಾದವ್, ಲವ್ ಸಿನ್ಹಾ(ಕಾಂಗ್ರೆಸ್), ಚಂದ್ರಿಕಾ ರಾಯ್ (ಜೆಡಿಯು), ಪ್ರವೀಣ್ ಸಿಂಗ್ (ಕಾಂಗ್ರೆಸ್), ಸಂತೋಷ್ ಕುಮಾರ್, ಲಲನ್ ಕುಮಾರ್(ಕಾಂಗ್ರೆಸ್), ಸುಭಾಷಿಣಿ ಯಾದವ್, ಮಸ್ಕೂರ್ ಉಸ್ಮಾನಿ (ಕಾಂಗ್ರೆಸ್)

ಮುನ್ನಡೆಯಲ್ಲಿರುವ ಪ್ರಮುಖರು: ಶ್ರೇಯಸಿ ಸಿಂಗ್(ಬಿಜೆಪಿ), ಅನಂತ್ ಸಿಂಗ್(ಆರ್​ಜೆಡಿ), ಎನ್.ಕೆ. ಯಾದವ್ (ಬಿಜೆಪಿ)

• ಚನ್ನಪಟ್ಟಣದಲ್ಲಿ ಸಿ ಪಿ ಯೋಗೇಶ್ವರ್ ಗೆ ಭರ್ಜರಿ ಗೆಲುವು
• ಸಂಡೂರು ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಅನ್ನಪೂರ್ಣ ತುಕಾರಾಂ ಗೆಲುವು: ಅಧಿಕೃತ ಘೋಷಣೆ ಬಾಕಿ
• ರಾಜ್ಯದ ಉಪಚುನಾವಣೆಯಲ್ಲಿ ಮೂರು ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಮುನ್ನಡೆ: ಬಿಜೆಪಿಗೆ ಆಘಾತ
• ಕಾಪರ್ ಏಜ್ ಇನ್ಸ್ಟಿಟ್ಯೂಟ್ ಮಾಲೀಕ ಶರತ್‌ ಆತ್ಮಹತ್ಯೆ: ಕಾರಣ ನಿಗೂಢ
• 104ರನ್‌ಗೆ ಆಸ್ಟ್ರೇಲಿಯಾ ಆಲೌಟ್ ,ಬುಮ್ರಾಗೆ 5 ವಿಕೆಟ್

0Like

0Love

0Haha

0Shocked

0Sad

0Angry