ಡ್ರಗ್ಸ್ ಪ್ರಕರಣದ ಆರೋಪ ಹೊತ್ತಿದ್ದ, ಅನೇಕ ದಿನಗಳಿಂದ ಎನ್‌ಸಿಬಿ ಅಧಿಕಾರಿಗಳ ಕೈಗೆ ಸಿಗದೇ ತಪ್ಪಿಸಿಕೊಂಡು ಓಡಾಡುತ್ತಿದ್ದ ನಟಿ ದೀಪಿಕಾ ಪಡುಕೋಣೆಯ ಮ್ಯಾನೇಜರ್ ಕರೀಷ್ಮಾ ಪ್ರಕಾಶ್ ತಾವೇ ಸ್ವತಃ ಖುದ್ದಾಗಿ ಎನ್‌ಸಿಬಿ ಕಛೇರಿಗೆ ಹಾಜರಾಗಿದ್ದಾರೆ.
ಕೆಲದಿನಗಳ ಹಿಂದೆ ಕರೀಷ್ಮಾ ಪ್ರಕಾಶ್ ಮನೆಯನ್ನು ಶೋಧಿಸಿದ್ದ ಅಧಿಕಾರಿಗಳಿಗೆ ಕರೀಷ್ಮಾ ಡ್ರಗ್ಸ್ ನಂಟು ಹೊಂದಿದ್ದರು ಎಂಬ ಬಗ್ಗೆ ಕೆಲವು ಆಧಾರಗಳು ಸಿಕ್ಕಿದ್ದವು. ಈ ಆಧಾರದ ಮೇರೆಗೆ ಎನ್‌ಸಿಬಿ ಕರೀಷ್ಮಾ ಅವರಿಗೆ ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್ ನೀಡಿತ್ತು.
ಆಗ ಬಂಧನದ ಭೀತಿಗೊಳಗಾಗಿದ್ದ ಕರೀಷ್ಮಾ ಎನ್‌ಸಿಬಿ ಅಧಿಕಾರಿಗಳ ಕೈಗೆ ಸಿಗದೇ ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಸಲ್ಲಿಸಿದ್ದರು. ಇದೀಗ ಅವರಿಗೆ ನಿರೀಕ್ಷಣಾ ಜಾಮೀನು ದೊರೆತಿದ್ದರಿಂದ ಎನ್‌ಸಿಬಿ ಕಛೇರಿಗೆ ಹಾಜರಾಗಿದ್ದರು.
ಕರೀಷ್ಮಾ ಅವರಿಗೆ ಸದ್ಯಕ್ಕೆ ನವೆಂಬರ್ 7ರ ವರೆಗೆ ನಿರೀಕ್ಷಣಾ ಜಾಮೀನು ದೊರೆತಿದೆ. ಹಾಗಾಗಿ ಯಾವುದೇ ಅಧಿಕಾರಿಗಳು ನಿರೀಕ್ಷಣಾ ಜಾಮೀನಿನ ಅವಧಿ ಮುಗಿಯುವವರೆಗೆ ಕರೀಷ್ಮಾ ಅವರನ್ನು ಬಂಧಿಸುವಂತಿಲ್ಲ.
More Stories
ಚಾಮುಂಡೇಶ್ವರಿ ದೇವಿಗೆ ಚಿನ್ನದ ರಥ ನಿರ್ಮಾಣದ ಪ್ರಸ್ತಾವನೆ ಸಲ್ಲಿಸಲು ಸಿಎಂ ಸಿದ್ದರಾಮಯ್ಯ ಸೂಚನೆ
ಆಸ್ಟ್ರೇಲಿಯ ವಿರುದ್ಧ ಭರ್ಜರಿ ಗೆಲುವು: ಭಾರತ ತಂಡದ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ಕನಸು ಜೀವಂತ
ನವೆಂಬರ್ 28: ರಾಜ್ಯದ ಅಭಿವೃದ್ಧಿಗೆ ಮಹತ್ವದ ಸಚಿವ ಸಂಪುಟ ಸಭೆ