ಸ್ನೇಹಿತನಿಗೆ ಡ್ರಾಪ್ ನೀಡಿ ವಾಪಸ್ ಬರುವಾಗ ಅಪಘಾತ..ಸ್ಥಳದಲ್ಲೇ ಯುವಕ ಸಾವು

Spread the love

ಗೆಳೆಯನಿಗೆ ಡ್ರಾಪ್ ನೀಡಿ ವಾಪಸ್ಸು ಬರುತ್ತಿದ್ದ ವೇಳೆಯಲ್ಲಿ ಸಂಭವಿಸಿದ ಅಪಘಾತದಲ್ಲಿ ಯುವಕನೋರ್ವ ಸ್ಥಳದಲ್ಲೇ ಮೃತಪಟ್ಟ ಘಟನೆ ದೊಡ್ಡಬಳ್ಳಾಪುರ ತಾಲೂಕಿನ ಮೆಣಸಿ ಗೇಟ್ ಬಳಿ ನಡೆದಿದೆ.

ಗೋಪಾಲ್(26) ಸ್ಥಳದಲ್ಲೇ ಸಾವಿಗೀಡಾದ ಮೃತ ದುರ್ದೈವಿ.

ಗುಂಡಸಂದ್ರ ಗ್ರಾಮದ‌ ಯುವಕ ಗೋಪಾಲ್ ತನ್ನ ಸ್ನೇಹಿತನಿಗೆ ಡ್ರಾಫ್ ನೀಡಲೆಂದು ಮೆಣಸಿ ಗೇಟ್ ಬಳಿ ತೆರಳಿದ್ದ. ಈ ವೇಳೆ ವಾಪಸ್ ಬರುವಾಗ ವಾಹನ ನಿಯಂತ್ರಣ ತಪ್ಪಿ ರಸ್ತೆ ಬದಿಯ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಯುವಕ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ.

ದೊಡ್ಡಬಳ್ಳಾಪುರ ಗ್ರಾಮಾಂತರ ಪೋಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ದಾಖಲಾಗಿದೆ.