ಟಿವಿ ನಿರೂಪಕ ಅಕುಲ್ ಗೆ ಬಿಗ್ ಶಾಕ್; ಡ್ರಗ್ಸ್ ದಂಧೆ ಪ್ರಕರಣದಲ್ಲಿ ಸಿಸಿಬಿ ನೋಟಿಸ್‌

Spread the love

ಚಂದನವನದಲ್ಲಿನ ಡ್ರಗ್ಸ್ ಪ್ರಕಾರಣಕ್ಕೆ ಸಂಬಂಧಪಟ್ಟಂತೆ ಸಿಸಿಬಿಯು ಬಹು ಜಾಣ್ಮೆಯಿಂದ ಜಾಲ ಹೆಣೆಯುತ್ತಿರುವುದು ಮತ್ತೆ ಸಾಬೀತಾಗಿದೆ. ಇದೀಗ ಸಿಸಿಬಿಯು ನಟ, ನಿರೂಪಕ ಅಕುಲ್ ಬಾಲಾಜಿಗೆ ವಿಚಾರಣೆಗೆ ಹಾಜರಾಗಲು ನೋಟಿಸ್ ನೀಡಿದೆ.

ಸಿಸಿಬಿಯು ಈಗಾಗಲೇ ನಟಿಯರಾದ ರಾಗಿಣಿ, ಸಂಜನಾ ಅವರನ್ನು ಜೈಲಿಗೆ ಕಳಿಸಿದ್ದು, ನಟ ದಿಗಂತ್ ಹಾಗೂ ನಟಿ ಐಂದ್ರಿತಾ ರೇ ಅವರನ್ನು ವಿಚಾರಣೆಗೊಳಪಡಿಸಿತ್ತು. ಈಗ ಅಕುಲ್ ಬಾಲಾಜಿಯವರ ಸರದಿ.

ಅಕುಲ್ ಸೇರಿದಂತೆ ಸಿಸಿಬಿಯು, ಸಂತೋಷ್ ಕುಮಾರ್ ಮತ್ತು ಆರ್.ಬಿ.ಯುವರಾಜ್ ಅವರಿಗೆ ವಿಚಾರಣೆಗೆ ಹಾಜರಾಗಿವಂತೆ ನೋಟಿಸ್ ನೀಡಿದೆ.