ಪೊಗರು‌ ವಿವಾದಿತ ಸೀನ್ ಕಟ್ - ಬ್ರಾಹ್ಮಣರು ಫುಲ್ ಖುಷ್

Spread the love

ಪೊಗರು ಚಿತ್ರದ ವಿವಾದಿತ ಸೀನ್ ಕಟ್ ಮಾಡಿದ ಬಳಿಕ ಚಿತ್ರ ವೀಕ್ಷಣೆ ಮಾಡಿದ ಬ್ರಾಹ್ಮಣ ಸಮುದಾಯ ಪೊಗರಿಗೆ ಮೆಚ್ಚುಗೆ ಸೂಚಿಸಿ ಫುಲ್ ಖುಷ್ ಆಗಿದೆಪೊಗರು’ ಸಿನಿಮಾದ ವಿವಾದ ಸುಖಾಂತ್ಯ ಕಂಡಿದೆ.

ನಂದ ಕಿಶೋರ್ ನಿರ್ದೇಶಸಿ, ಧ್ರುವ ಸರ್ಜಾ ನಟಿಸಿರುವ ‘ಪೊಗರು’ ಸಿನಿಮಾ ಕಳೆದ ಶುಕ್ರವಾರ ತೆರೆ ಕಂಡಿದೆ. ಬ್ರಾಹ್ಮಣರಿಗೆ ಅವಹೇಳನ ಮಾಡುವ ಡೈಲಾಗ್ಗಳನ್ನು ಹಾಗೂ ಸೀನ್ಗಳನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ ಅನ್ನೋ ಕಾರಣಕ್ಕೆ ಬ್ರಾಹ್ಮಣ ಸಮುದಾಯ ‘ಪೊಗರು’ ಸಿನಿಮಾದ ವಿರುದ್ಧ ನಿಂತಿತ್ತು. ಇದೀಗ ‘ಪೊಗರು’ ಸಿನಿಮಾದ ಕಾಂಟ್ರವರ್ಸಿ ಸುಖಾಂತ್ಯ ಕಂಡಿದೆ.

ನಿನ್ನೆ ಬ್ರಾಹ್ಮಣ ಸಭಾದ ಸದಸ್ಯರು ಫಿಲ್ಮ್ ಚೇಂಬರ್ ಮೆಟ್ಟಿಲೇರಿದ್ದು, ‘ಪೊಗರು’ ಸಿನಿಮಾದಲ್ಲಿ ಬ್ರಾಹ್ಮಣರಿಗೆ ಅವಮಾನ ಮಾಡಿರುವ ದೃಶ್ಯಗಳನ್ನ ತೆಗೆಯುವಂತೆ ಆಗ್ರಹಿಸಿದ್ದರು. ಸಿನಿಮಾದ ನಿರ್ಮಾಪಕ ಬಿ.ಕೆ ಗಂಗಾಧರ್ ಹಾಗೂ ನಿರ್ದೇಶಕ ನಂದ ಕಿಶೋರ್ ಬ್ರಾಹ್ಮಣ ಸಮುದಾಯದ ಜೊತೆ ಚರ್ಚಿಸಿ ಆ ಥರದ ಎಲ್ಲಾ ದೃಶ್ಯಗಳನ್ನೂ ಎಡಿಟ್ ಮಾಡುವಂತೆ ತಿಳಿಸಿ ಸಮಾಧಾನ ಪಡಿಸಿದ್ದರು.

ಸದ್ಯ ನಂದಕಿಶೋರ್ ಮತ್ತು ಸಮುದಾಯದ ಸದಸ್ಯರ ಮಾತುಕತೆ ಸಫಲವಾಗಿದೆ. ‘ಪೊಗರು’ ಸಿನಿಮಾ ನೋಡಿ ಬ್ರಾಹ್ಮಣ ಸಭಾದ ಸದಸ್ಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಮುದಾಯದ ಸದಸ್ಯರು ಹೇಳಿದ ಸೀನ್ಗಳಿಗೆ ‘ಪೊಗರು’ ಚಿತ್ರತಂಡ ಕತ್ತರಿ ಹಾಕಿದ್ದಾರೆ. ಬ್ರಾಹ್ಮಣ ಸಮುದಾಯದ ಸದಸ್ಯರು ‘ಪೊಗರು’ ತಂಡಕ್ಕೆ ಶುಭ ಹಾರೈಸಿದ್ದಾರೆ.